職場之道｜入職日跟上司食貴價日本餐 打工仔埋單始知AA制：唔係要我畀呀？

打工仔入職新公司，通常都會獲同事邀請一同用膳迎新，不過一位打工仔近日埋怨，指轉新工上班首日獲上司邀請一起午膳，前去吃貴價日本餐，未料埋單時始知為「AA制」各自付款，令他大感震驚，並怒批上司為人吝嗇。

該名打工仔日前在香港討論區發文，指近日轉職新公司，感覺上司為人友善，更在其入職日表示「我哋team 3個人大家要好好努力」，並提議一起到間日本餐午膳，以歡迎他入職。

埋單始知AA制

事主續指，該餐廳套餐售價一百多元，索價不菲，當時心想：「正常應該上司一次過請晒，所以心諗佢個人都幾好呀，都500蚊㗎嘛」未料結帳時，上司查看收據後，指已為各人計好費用，事主此時始知要「AA制」付款，他形容：

「個下真係呆咗，心諗唔係要我畀呀？我見同事都找錢出嚟，我就扮下嘢拎銀包」

當時上司見事主表現遲疑，以為他身上沒有零錢，便指可先為其付款，著他稍後還錢。

認為上司理應請客

事主對此頗為不滿，指過去4份兼職及長工的「Welcome lunch」（迎新午餐）均由上司請客，故對這位上司的舉動感震驚：

「因為個上司想welcome（歡迎）你，應該係上司畀錢啦！冇錢的話，就算係車仔麵都冇所謂呀，點會冇啦啦個下屬要出錢先得㗎？」

他指，從未試過在上班首日吃飯要「AA制」，又批評上司既然無意請客，便不應提議到貴價餐廳用膳，「邊有可能welcome（歡迎）我，又要我自己畀。」

網民指上司無義務請客

帖文引起網民熱議，不少人人認為上司無義務請新同事吃飯，批評事主貪小便宜；亦有網民認為，假如上司表明是「Welcome Lunch」，由上司或同事請客亦屬合理：

（↓點擊圖片放大↓）

港女同事上門「借狗」打卡呃Like，戰鬥格上陣無理要求令狗主反面，詳情即睇：【下一頁】