孫慧雪打完復必泰突見政府嗌停 與林芊妤齊變疫苗苦主難免憂慮

香港政府推出新冠肺炎疫苗接種計劃，期間有多個疑似接受疫苗後不適、甚至死亡個案，令不少有意接種疫苗人士因而卻步。今早政府指BioNTech（復必泰）疫苗，因部批次藥瓶封蓋包裝有瑕疵，為安全起見宣布暫停接種BioNTech疫苗；此消息一出，讓已打了BioNTech的人士都相當擔心，有無所適從感覺。

{{hket:inline-image name="70.jpg"}}{{/hket:inline-image}}

孫慧雪在社交平台上載自己剛打完復必泰疫苗的照片，清楚見到是出問題批次「210102」。（孫慧雪FB）

{{hket:inline-image name="72.jpg"}}{{/hket:inline-image}}

人母的林芊妤（Coffee）昨日（3月23日）接種了BioNTech。（資料圖片）

至於過去幾星期都不少藝人接種疫苗針，今早孫慧雪便在社交平台上載了一張已接種BioNTech疫苗紀錄的相片，寫著「我啱啱先打完，而家話暫停。#210102」而政府所指有問題的批次正是「210102」。

雪雪曾說自己有心臟異常問題，血壓、膽固醇數值偏低，醫生指她患有先天性血管收縮，以其身體狀況，網民擔心她根本不適宜接種疫苗，紛紛給她留言：「你又話自己有心臟病嘅，打唔打得疫苗㗎？」雪雪亦有回覆網民︰「睇咗我個醫生，佢話我ok。」亦有網民以怪責口吻說：「其實你應該睇定啲先，點解要咁急呢？有咩事屋企人點算！」、「無事無幹走去打針，你真係嫌命長」，同時有網民安慰她，「包裝有瑕疵，應該唔影響藥力，一定無事嘅，欣賞你盡公民責任」、「雪雪，放心，冇事喎！復必泰絕對安全！我都打咗！佢完全冇問題」。

對於網民的責備之聲，雪雪回應《晴報》時表示︰「冇嬲網民咁講，佢哋都係關心我。我屋企有老人家有小朋友，嫲嫲95歲，囝囝3歲，佢哋都唔打得，但我工作接觸好多人，所以為咗家人著想，就去打啦！我打之前有問自己主診醫生嘅意見，佢話我身體狀況可以打。收到暫停接種消息嗰陣都有啲擔心，而家惟有睇吓有乜嘢新安排啦，都冇辦法！」同時說︰「打完針之後只係手臂肌肉有啲痛，暫時冇其他特別反應。」叫大家不用擔心她。

同樣是人母的林芊妤（Coffee）昨日（3月23日）接種了BioNTech，亦有在IG上載一張打針記錄的相片。她回覆傳媒稱沒有感到不適，只是接種的位置肌肉有點痛；現時沒有過份擔心，會見步行步。有網民問Coffee為何不打科興？她則答：「好似BioNTech 9X%防預呀嘛，多過科興......同埋BioNTech係利用新科技，好似勁啲。」

（↓點擊放大睇圖片↓）