【聲明】港生活網站並無進行電話推廣活動

一田愛寵祭 美食服飾補品樣樣齊

發佈時間: 2021/03/25

汪星人、喵星人有福了!黛安收到風,一田百貨沙田店下星期二(30日)至下月12日將首辦「一田愛寵祭」,有齊愛寵鍾意嘅美食補品、護理產品、日系服飾及小家具,大家記得去掃貨喇。場內有多款日系貓狗衣飾,包括「寵物和服」、本地設計嘅「小吉子の魔衣櫥日式禮服圍巾」等。仲有多款美食,如「天然乳酪狗蛋糕」等,低至約7折發售;而來自台灣嘅「寵幸五色養生鮮食包」,最啱年老或有特別保健需要嘅毛孩。

活動期間一田會員憑單一消費購買寵物產品滿200元,可獲迷你動物拼圖及寵物食品;滿1,200元或以上更可獲贈菠蘿造型寵物床。另外,主人喺即日至29日仲可為愛寵報名參加「寵物治癒相片大召集」,佢哋嘅靚相有機會登上一田fb或ig專頁限時動態㗎,最受歡迎作品即可贏大獎,包括價值逾4,000元嘅專業寵物攝影套餐,及100元一田購物折扣優惠等。

一田愛寵祭 美食服飾補品樣樣齊

寵物水果撻床,最啱懶洋洋嘅「主子」。

撰文: 黛安 消息特靈八卦公關
欄名: 八卦名利場