方力申做主持辛苦過讀U

方力申（小方）昨日出席TVB記招，小方自從《美女廚房》後，今次再為無綫演出綜藝節目，他被編排與江美儀一組，齊齊參演《開心大綜藝》。他大呻難度高：「監製畀個波我哋，我哋又要自己諗idea，對白都要度埋，連請嘉賓都要我哋做埋，所以今次真係要做好多功課，仲辛苦過讀大學。」

小方日前在TVB開會後，被拍得接載同樣演出《開心大綜藝》的馮盈盈回家，小方解釋大家住所相近；而馮盈盈亦說：「嗰晚做完節目，我同麥美恩都無揸車，小方順路送我哋返屋企啫。」盈盈在《開心大綜藝》中與組合農夫一組，農夫讚盈盈口才了得，是鄭裕玲（Do姐）接班人，盈盈即說︰「我仲未夠班，只可以接頭接尾，或者接班係指『接Do姐下班』。」

攝影：林良明