親熱戲經驗豐富 龔嘉欣床戰「老臘肉」譚俊彥

去年播出的劇集《十八年後的終極告白》收視、口碑俱佳，無綫昨日正式開拍續集《十八年後的終極告白2.0》，由龔嘉欣配搭譚俊彥（Shaun）演出。二人預告在劇中有不少親熱戲，他們更搞笑地互相稱讚對方床戲經驗豐富。

譚俊彥與龔嘉欣在新劇中飾演一對，不過Shaun非常口密，堅拒劇透：「故事都係圍繞18年前同18年後發生嘅事，不過真係好多嘢都唔講得。」他們同樣拍親熱戲經驗豐富，更比拼誰的親熱對手清單較長，Shaun自嘲說：「嘉欣之前都係同小鮮肉，今次試下老臘肉啦！」

龔嘉欣自言與Shaun的熟落程度是「半生熟」，對於拍親熱戲更有利：「Shaun經驗豐富，我要向佢學習。同佢拍親熱戲好放心，因為事前一定溝通好，不過今次我要戴住眼鏡親熱，比較有障礙。」Shaun聞言搞笑說：「有咩好學，都係漱口、刷牙。」他們表示現時日日拍足十多小時，所以非常疲倦，龔嘉欣更自爆有時在公司留宿：「因為我屋企樓上樓下都裝修緊，日日都瞓得唔好。」

趙希洛性感睡衣色誘陳山聰

同場的陳山聰和趙希洛在新劇飾演夫妻，以往甚少拍性感親熱戲的趙希洛，除了主動與山聰調情外，又與其他對手有親熱戲：「為咗呢場戲，我睇咗好多類似劇情嘅片段，又要諗下係咪要買套性感睡衣，着出嚟有效果但係又要黐膠紙。」趙希洛透露今次會露背演出，而山聰亦有出浴曬肌戲。

採訪︰Pauline

攝影︰林良明

美術：梁政敏