是滴是友│花姐為工作內疚冇同細仔慶生 「大仔好抗拒有人喺街認得我」

ViuTV《全民造星》金牌監製花姐黃慧君成功打造三季節目，捧紅了Mirror及Error兩隊人馬，為娛樂圈帶來新生氣，更成為Mirror的經理人。花姐的快人快語深受網友歡迎，就算對愛將Mirror都會狠狠喝罵，不過私下她是個兩子之母，提到兩個囝囝，花姐一改平日的直率態度，吐出自己因工作忽略家庭的無奈。

【ViuTV《全民造星》推手】花姐黃慧君憶被《勁歌》監製當眾羞辱 為一啖氣剪短髮換裝慘被分手【下一頁】

{{hket:inline-image name="FA1.jpg"}}{{/hket:inline-image}}

{{hket:inline-image name="6a5ab8a9-877b-44fe-8642-c73c77066c00.jpg"}}{{/hket:inline-image}}

花姐近日與強尼獲邀到《是滴是友》節目，接受林曉峰和廖碧兒的訪問。強尼育有一子，他在世界盃期間得悉林曉峰就算拍完通宵後，他都堅持開車送兩個囝囝返學，強尼驚覺自己要做得更多，他說：「我有兩個考慮，以前好密咁接工作，星期一至日都工作，原來自己錯過咗星期日留喺屋企（嘅時間）。」他表示現時珍惜跟家人的相處時間，所以星期日會留作家庭日，好好享受親子樂。在旁的花姐直言非常羨慕，因為可以安排到家庭日，「有得選擇係好，但我有時唔開心係因為我冇得揀，好似前排我細仔生日，但我要工作，我冇得揀我唔工作，一定要去，聽完好羨慕，我未諗到點做到。」

花姐兩個兒子一個19歲、一個15歲，問到大仔會否期待好似Mirror一樣入行？「大仔唔會，佢反而好抗拒，因為性格好內歛，完全唔鍾意，如果有人喺街度認到我，佢係唔鍾意、好反感。」林曉峰表示花姐曾經在訪問中透露做《全民造星》這個節目正是想讓細仔知道，應該好好去追求自己的夢想，花姐無奈笑著回應：「係，話畀佢聽夢想呢樣嘢，點知就……」她表示幸好細仔透過節目都明白她的工作，「我細仔都好鍾意睇《全民造星》，好鍾意Mirror嘅成員，佢聽番我講嘅說話之後，佢都好開心咁話：『你放心，我會努力堅持去做NBA球員！總有一日會做到！』反而大仔因為我工作轉變而唔係咁接受到，到而家呢刻都未接受到，我都解決緊呢個問題。」

（↓點擊放大睇圖片↓）

是滴是友│花姐48歲處女下海飲紅酒扁晒嘴 為Mirror買貼身用品自覺卑微【下一頁】

強尼覺得自己見證著花姐的改變，他認為花姐當上經理人之後捨棄了很多本身的性格，捨棄和讓步變多了。花姐笑言年輕時跟林曉峰合作時，當時林曉峰由稱呼她為「阿花」到後來越來越熟變「花家姐」；而花姐則稱呼林曉峰為「細佬」，花姐直言自己性格好強硬，夠膽跟藝人反面，「個藝人改我稿，咁寸，我完全唔睬佢，份稿全部刪走他的部分，唔好畀佢講！」

（↓點擊放大睇圖片↓）

責任編輯：楊安莉