大步走│梁彥宗演番書仔報讀學科全部堅料 被老竇歐瑞偉雞毛掃狂抽十幾吓

劇集《大步走》除了圍繞跑步的主題外，每位主角都有各自的家庭和感情問題，霹靂Sir（陳山聰飾）近日終於打破幾十年的隔膜，與家姐袁柔（王綺琴飾）及姐夫曾敬秋（歐瑞偉飾）重修關係，同時遇著他在外國讀書的姨甥念孝（梁彥宗飾）休假回港，四人齊齊食飯團聚。霹靂Sir追問念孝到底讀邊科？念孝答：「生態與進化生物學。」而這一科正正是梁彥宗本身在美國修讀的學科。

大步走│大舊背心Look似足港版羅拉朱芊佩 李君妍超弗身材全靠好武功？【下一頁】

{{hket:inline-image name="CHRIS1.jpg"}}{{/hket:inline-image}}

{{hket:inline-image name="chris9.jpg"}}{{/hket:inline-image}}

30歲的梁彥宗一直以J2台《背遊》系列旅遊節目大受歡迎，其背景亦惹人關注，畢業於名校拔萃男書院，會考八優狀元，他放棄「拔尖」入大學，轉讀兩年國際預科教育文憑（IB）課程後，成功考入美國普林斯頓大學，主修生態及進化生物學，亦去到非洲肯亞交流。其實早在2013年，梁彥宗應徵譽為「絕世筍工」的澳洲旅遊局昆士蘭國家公園巡護員時，入圍最後三強而廣為人知。後來他以背包客的方式拍攝旅遊節目，先後到中美、中亞、摩洛哥及南美等地，節目出街後都大受歡迎，令他成為旅遊達人，在不同的媒體中分享旅遊的樂趣。

《大步走》是梁彥宗首次處男下海拍攝的劇集，拍攝完畢後他就約滿離開TVB，所以沒有為劇集宣傳。梁彥宗接受《晴報》電話訪問，他表示：「我都冇睇番自己嘅全部演出，淨係因為有一部分要配音所以先重溫，我都覺得自己演得幾浮誇！第一次拍劇感覺好似好阻住人收工咁，因為得我一個乜都唔識，感覺好亂同好驚。」他表示平日主持節目時感覺很強烈，很有狀態，但演戲表情大少少就自覺浮誇。

（點擊放大睇圖片）

《背遊南美的北邊》梁彥宗做旅遊達人遊遍六大洲 考8A拒拔尖 父母放手支持【下一頁】

在TVB的惡搞頻道See See TVB的率先劇透《大步走》，見梁彥宗將會被老竇歐瑞偉用雞毛掃狂抽連環十幾吓！歐瑞偉都是真打，見到都覺得痛。梁彥宗表示：「呢場戲由於要拍不同角度，所以都拍咗好幾個take，為咗盡儘少NG，都用真力去打。導演事前對我呵護備至，要我戴上軟墊，又講明會打個墊邊一個位，但拍攝要真打又要打得快，一定好難瞄某個位，拍完我隻手都有少少紅印；呢層我好明白，大家都想令件事儘量真實，咁就唔使咁多NG。對我呢啲新手嚟講，真係打中都係好事嚟，容易呈現最真實表情。」

劇中念孝似乎隱瞞父母著一些事情，食飯時擔心謊言被揭穿而發脾氣，私底下梁彥宗是孝順仔一名，除了自己背包旅遊之外，都經常帶同父母去不同的國家旅遊，享受天倫樂。離開TVB後回復自由身，經常被問到收入會否大受影響，他在自己的YouTube Channel說：「其實一直以來無綫份收入都唔係我主要收入來源，所以約滿離開之後都唔係好大影響。」他跟娛樂新聞台的主持周奕瑋非常老友，兩人合力經營《Jar緊宗指》YouTube頻道，每個星期日都會live，同觀眾談天說地。

（點擊放大睇圖片）

{{hket:youtube id="sI-gkwKe55U"}}{{/hket:youtube}}

責任編輯：楊安莉