行山初哥｜港男穿皮靴牛仔褸行大東山 同行港女行15分鐘呻攰打卡即閃｜附行山前7大準備重點

新冠肺炎疫情下無法外遊，不少人選擇行山呼吸新鮮空氣，日前一名山友約同事行大東山，其中一對新手男女的裝束和行徑令人咋舌，男方穿牛仔外套和牛仔褲、女方則不帶水不帶毛巾，行15分鐘已大喊疲倦，最後只完成一半路程，與芒草拍照後便提早落山。

該名山友在「香港討論區」以「同啲MK去行山真係令我大開眼界」為題發帖分享，指日前與4名同事結伴到行大東山，其中一名同事再約多一男一女，卻發現二人的衣著和裝備「唔對路」，更形容對方就如「MK（旺角）仔女」。

事主形容該男生打扮指：

「Gel行晒頭，All Back立立令，然後上身牛仔褸，下身Slim Fit黑色牛仔褲，最大件事係佢竟然著咗對 Dr. Martens...著對皮鞋仲要咁重點行呀，仲會跣腳。」

由於大東山海拔869米，全程需時4至5小時，事主笑指該男子竟然穿著皮鞋行山，甚至流汗也不願意脫下牛仔外套。由於其裝備完全不適合行山，於是事主與其他同事問他：「你真係OK？」未料該男生卻自信滿滿回應：

「平時做開運動，今日Easy Job（無難度），最緊要影靚相！」

女友人沒有帶水、毛巾

至於另一名女生則以瑜伽褲配搭運動內衣，事主形容其運動打扮「好似好有氣勢咁，好Sporty咁」。不過出發約15分鐘，便發現她無行山習慣，連水和毛巾也未有帶，當在山腳上一段樓梯後，她已開始喊累，並指自己只為影芒草打卡才行山。事主只好將自己帶備的水給予對方，並在內心罵道：

「大佬呀，你而家先係山腳咋，芒果都冇得你食啦。邊有人行山唔帶水㗎。」

直至完成一半路程後，二人便拼命拍照「打卡」，又指任務已完成，決定先行打道回府。事主對於這種山友大感無奈：

「明明成程一路行就叫生叫死，係咁問到未...都唔明呢啲人上山係做乜。」

網民：見過有人著高踭鞋行山

帖文惹起一眾網民熱遁，笑指未見過人行山不帶水，有網民亦大談曾遇奇怪衣著的山友，形容:「見到個阿姐著高踭鞋，佢真係行到上去」。

（↓點擊圖片放大↓）

郊遊前準備６大重點

出外郊遊或遠足有適當的準備和訓練，有助減少意外發生。據《漁農自然護理署》官方網站資料顯示，郊遊前應有以下6大準備：

4招預防行山痛症

註冊脊醫何梖榮早前接受《晴報》訪問時曾提醒市民，行山期間要補充足夠水份，行山後亦應用緩和運動放鬆繃緊肌肉，如果行山後痠痛持續逾一周，應盡快求醫。除了留意有否舊患，平日應恒常保持運動，包括伸展及強化動作，鍛煉腰腿等部位肌肉力量，有助應付崎嶇的路面及上下斜坡，減少出現痛症機會，最好尋求專業人士指導相關動作。另外，何梖榮又提供4招預防行山痛症的方法：

每朝索取《晴報》：精明生活．健康家庭．開心娛樂

撰文：林幸琦