【聲明】港生活網站並無進行電話推廣活動

商場電車港鐵站 變身變藝館

發佈時間: 2021/03/26

有人話藝術源於生活,黛安聽聞喺非牟利機構「香港藝術館之友」支持下,全城藝術推廣活動「我們的.藝術館」已展開,即日起至5月23日,市民可透過遍布全港18區、490個室內、外公共空間嘅廣告牌、電子顯示屏幕同交通交滙處,例如電車站、港鐵站及大型商場等,都可欣賞到百張香港藝術館藏品影像,當中包括中國文物、中國書畫、外銷藝術、現代及香港藝術呢4大館藏㗎。

聽講館方仲推出咗活動專屬嘅應用程式「ArtForEveryone.hk」,除咗可以喺程式上睇到完整藏品、藝術家同展示地點名單,仲可以利用內置地圖閱覽功能,輕鬆搵到最近嘅藏品影像位置㖭。活動亦為10幅精選藝術品影像特設AR(擴增實境)功能,喺原有版本加入有趣故事同互動元素。詳情可【按此】瀏覽或喺社交平台追蹤@FriendsHKMoA啦。

撰文: 黛安 消息特靈八卦公關
欄名: 八卦名利場