【聲明】港生活網站並無進行電話推廣活動

麥當勞App專享 $10歎全新煙燻麥炸雞

發佈時間: 2021/03/26

麥當勞又有新搞作!下星期一(29日)起,麥記將推出全新嘅煙燻麥炸雞,呢個產品係期間限定,姊妹們一定要趁「熱」試食啊。

公關姊妹同黛安講,麥炸雞今次嘅新口味秉承咗3大黃金美味要點,分別係香脆、肉質嫩滑同Juicy。由秘製醬汁醃製過嘅雞錘同雞上脾,外皮炸至香脆,內裏仲保持嫩滑多汁,加上獨特煙燻香味,味道微辣惹味,令人食指大動。

麥當勞App用戶仲可獨家專享優惠,明日起一連兩日(27至28日),可以10元優先試食雞錘1件。之後亦可用App內優惠券,以40元享用煙燻麥炸雞超值套餐,或者42元從不孤單一人快樂晚餐,當中包括煙肉巨無霸或芝士安格斯超值套餐配煙燻麥炸雞1件。食完歎埋杯全新椰果蜂蜜雪梨茶,真係超級滿足!

撰文: 黛安 消息特靈八卦公關
欄名: 八卦名利場