黛安
黛安

青衣城有機產品墟 體驗親子農耕樂

發佈時間: 2021/03/26

青衣城有機產品墟 體驗親子農耕樂

近年黛安都買多咗有機產品,黛安知道青衣城會喺4月2日至5日推出「青衣城有機產品農墟」,邀請咗近20個本地有機農場同零售商參加,發售過百款有機產品。現場除咗有當造農產品,好似彩色椰菜花、紫油麥菜、紫甘筍同車厘茄外,仲有有機認證奶粉、棉造衣物、親子套裝、家居清潔用品同化粧品等等,產品夠晒多元化。

此外,青衣城仲同本地農場「香港青年協會有機農莊」,打造咗一個近4,000呎嘅都市農莊,喺3月至5月舉辦「親子農耕樂」活動,畀大家親身體驗有機耕種。大家需以捐款形式報名參加,善款就會全數捐畀「香港青年協會有機農莊」作為農務教育用途,每次收成期,參加者都需要捐出20%農作物畀有需要人士,咁有意義大家唔好錯過啊!

撰文: 黛安 消息特靈八卦公關
欄名: 八卦名利場