【聲明】港生活網站並無進行電話推廣活動

無做《Chill Club》近半年 羅敏莊回歸TVB講阿媽心聲

發佈時間: 2021/03/26

音樂人伍仲衡將於明日及後日於麥花臣場館開騷,他與嘉賓羅敏莊、黃翊及海俊傑前晚綵排練歌。羅敏莊主持ViuTV音樂節目《Chill Club》大受歡迎,但她去年已跟ViuTV約滿,並回歸無綫,更獲安排孭飛重點綜藝節目,難怪她笑言沒時間去其他電視台。

羅敏莊前晚為伍仲衡音樂會綵排,練習80、90年代的經典歌曲環節。提到羅敏莊重返無綫,獲安排與余安安、陳凱琳一同主持給母親訴心聲的新節目《日日媽媽聲》,羅敏莊說:「係呀,我無啦啦返咗無綫!其實我上年10月已經同ViuTV約滿,只係佢哋嘅節目錄影排住出啫。」尊重合約精神的她更說:「依家(與TVB)簽咗約,服務一個台,梗係唔可以周圍走。」

伍仲衡開騷安排私家咪

伍仲衡開騷在即,他表示大會做足防疫措施,除了場館消毒及派發防疫包給觀眾外,所有表演者已通過檢測,每位演出歌手更獲安排私家咪。他說:「我心情係興奮多過緊張。(開金口唱歌給觀眾驚喜?)咁係驚嚇多啲喎!我飲80、90年代歌曲嘅奶水大,希望今次演出畀大家集體回憶,幫香港人減壓。」

羅敏莊笑伍仲衡染了髮變偶像派,伍仲衡即說:「我其實係實力偶像派,亦係pop guy。」同場的黃翊與海俊傑合作唱串燒歌,問他們會否跳勁舞配合?海俊傑講笑說︰「勁過城城㗎,不過大會無安排我哋排舞,我哋惟有打天才波,最緊要有氣氛啫。」

撰文︰Pauline

美術:梁政敏

無做《Chill Club》近半年 羅敏莊回歸TVB講阿媽心聲

(左起)海俊傑、黃翊、伍仲衡及羅敏莊落力準備音樂會。