岑珈其拍床戲要老婆批准

岑珈其與本地樂隊ToNick主音趙善恆（恆仔）前晚在中環一夜場拍攝新片《#PTGF出租女友》，現場有多位cosplay演員，更有女演員低胸上陣扮遊戲角色。岑珈其與恆仔「攞正牌」睇女仔，但各有另一半的他們目不斜視。珈其開工前已跟太太備案：「我個角色負責喺側邊睇住恆仔，如果我做佢個角色就真係唔得。」剛榮升爸爸的珈其，笑言每日開工非常掛念兒子：「收工返屋企一定全身消毒，沖完涼先抱BB。」

有家室的珈其又坦言：「如果遇到有身體接觸嘅戲，我會問准咗老婆先拍。」恆仔亦表示會先經女友譚杏藍（小花）批准才會拍親熱戲。恆仔亦否認在戲中與cosplay演員有激烈戲份，他說︰「呢場戲講我哋一齊去party，我最激烈就係同岑珈其鬧交。」