曾力撐黃心穎｜港男Flow用100萬零1蚊挑機鍾培生 單手單腳出賽：打得贏我攞去！

「百億富三代」鍾培生與林作的「百萬擂台戰」將於9月18日舉行，未開戰已成為全城熱話。繼日前鍾培生與杜汶澤在網上引起一輪罵戰之後，曾參加《2016年度香港先生選舉》而落敗的「抽水王」梁裕恆（Flow）亦向鍾培生挑機，留言指出100萬零1元邀約開戰，「小丑，小朋友打交，我畀100萬零1蚊你，上擂台，讓你單手都KO你！」

{{hket:inline-image name="163612914_3893066474107314_1278116472760408834_o.jpg"}}{{/hket:inline-image}}

梁裕恆的言論隨即引起不少網民留言批評，有網民提議擁有46吋胸肌的他與鍾培生對打，他回應：「K唔KO到要睇佢敢唔敢打。100萬零1蚊畀佢，認真」。之後鍾培生亦留言「應戰」，兼提供銀行戶口號碼予對方入數，「就4月頭，入咗數話我知。」同時指出，「我不嬲都唔係好覆傻仔，除非有着數。多謝你幫我找林作條數，留名等走數。」

{{hket:inline-image name="162120812_3877556022325026_2403218568088329628_o.jpg"}}{{/hket:inline-image}}

梁裕恆之後在自己Facebook連開兩個Post，表示：「總之讓你單手單腳，唔帶（戴）頭套，打贏我100萬零1蚊攞去，你輸左（咗）1蚊都唔使攞出嚟！」他發長文指自己關心「百萬擂台戰」一事並非想抽水，而是想停止拳賽，「如果係都要打，同我打，唔需要你攞錢出嚟 ，100萬零1蚊我畀你，我死都會籌到畀你。打得贏我就攞去！」又指今次是「真正的『平民對權貴』」，「只係我幫人教吓仔，等佢唔好以為有小小錢喺香港就惡晒。」

（↓點擊放大睇圖片↓）

謝安琪家傭偷$6000判囚六星期 Flow插報警太絕:不如直接打死 【下一頁】

梁裕恆曾任消防員，在2016年參選「香港先生」落選後入讀無綫藝員訓練班，於去年年初離開。人稱「抽水王」的他一向言論出位，曾在「安心偷食」事件力撐黃心穎，指她只是想追求愛情而已，立即惹來大批網民表達不滿，怒斥梁裕恆想博上位。而在同屆港男黎振燁車廂偷食朱智賢一事上，他在IG出post狂鬧黎振燁於老婆大肚時偷食是「賤中之賤」，批評對方的人品。一件事兩種睇法？

（↓點擊放大睇圖片↓）

《愛美麗狂想曲》下周一播︱傳朱智賢獲無綫放生出席新劇宣傳 停工一年積極洗底營造健康形象 【下一頁】