苑瓊丹胸口突然不適入院留醫 「醫生話啲心血管布滿豬油膏...」

資深藝人廖啟智和黃樹棠最近先後爆出患上重病，前者患上胃癌，現全面停工，入院接受治療；而後者則癌細胞入肺急送院，兒子黃榮璋在Facebook留言為爸爸集氣，希望爸爸早日康復。而原來苑瓊丹近日也低調入院，問到所為何事，她解釋因胸口不適，鑒於有智叔、棠哥事件在前，令她有所警惕不敢掉以輕心。

廖啟智患胃癌感恩遇上好醫生 陳敏兒讚老公樂觀︰令人佩服 【下一頁】

苑仔表示：「最近咁多唔好消息，我當然唔敢怠慢，咪走去睇醫生囉，點知醫生話『你應該去睇急症喎』，去到急症，急症又話『你要留院喎』，就咁我住咗一晚醫院，做晒全身檢查睇吓發生左乜嘢事，好在報告只係話我膽固醇偏高，需要食藥！」

{{hket:inline-image name="IMG_2127.jpg"}}{{/hket:inline-image}}

苑仔笑謂：「醫生都解釋得幾好笑，佢話啲心血管佈滿豬油膏，所以會越來越窄，好在及早發現，食藥可以控制，另外我都會注意番均衡飲食同埋做運動！」苑仔又呼籲一眾大忙人朋友，「忙還忙，都要聆聽下自己身體嘅反應，病向淺中醫！」

說到智叔和棠哥，苑仔指早前在內地工作時經常會碰到智叔，至於棠哥就好久不見，當聽到二人罹患重病時，感到好難過，覺得藝人的生活顛倒食無定時，身體難免會出現毛病，希望二人都能擊退病魔快快康復。

（點擊放大睇圖片）

求叔3年前戰勝大腸癌│黃樹棠傳癌細胞入肺急送院病危 囝囝網上集氣 黃文慧：望大步檻過 【下一頁】