大步走│胡諾言演斯文有錢筍盤追姚子羚 43歲皮膚零毛孔 老婆陳琪𥄫到實

劇集《大步走》中飾演才俊James嘅胡諾言，雖然既係公司高層兼有錢仔，不過佢斯文有禮又有上進心，同堂弟Silver（林子善飾）個性相差甚遠，所以James嘅伯父錢文（杜燕歌飾）都情願將公司啲生意交給James而不靠自己親生仔Silver。呢種城中筍盤當然有好多女仔埋身，不過James都完全冇動心，反而愛上平凡女子何家欣（姚子羚飾)，更展開各方面追求，陪跑、整水喉......仲照顧埋屋企人，真係完全100分暖男。

【投資有道】胡諾言陳琪居豪華西貢獨立屋 教仔女自給自足落田種菜做農夫【下一頁】

{{hket:inline-image name="joel3.jpg"}}{{/hket:inline-image}}

{{hket:inline-image name="YIU1.jpg"}}{{/hket:inline-image}}

胡諾言（胡仔）本身是Crazy Runner的跑友之一，跟陳山聰、袁偉豪、謝東閔等經常跑山，今次參與《大步走》演出，暫時因角色身分的關係，談情戲比跑步的戲份還要多。他在劇中追求姚子羚，鏡頭不時帶到他的超近鏡頭時，見他的皮膚質素超好。相比起年紀只大10個月的陳山聰，現年43歲的胡仔同樣喜歡街跑，大家皮膚都較黑，但近鏡頭見胡仔的面部完全冇皺紋，感覺好似零毛孔一樣，加上他本身擁有令人羨慕的童顏，實在非常厲害。胡仔保養得好，當然太太陳琪都要睇到實啦......意思係劇情，每當胡仔劇中有追女仔情節，胡太都會做觀眾支持，並拍照上網分享，捧場之餘，網友們都笑胡太呷醋，兩公婆隔空放閃。

陳琪一向都不吝嗇「放閃」，早前在社交平台稱胡仔原本是100分，不過因做錯事要扣4分，原來是因為胡仔因一時大意將細仔的證件相整污糟要報銷，「今日爸爸暫時只得96分！做唔到滿分！」認真搞笑。

（↓點擊圖片放大↓）

【陳琪18年的終極告白】胡諾言封大利是賀爸爸70歲大壽 超強基因全家福出現4個胡仔？【下一頁】

私底下的胡諾言與太太陳琪識於微時，兩人2003年因拍攝《九五至尊》撻著而開始拍拖，拍拖七年之後結婚，先後誕下大女胡芷苓（Jay）、二女胡芷悠（Jacey）及細仔胡澔錕（Jayden）。胡諾言一家五口十分幸福，每逢大時大節都會陪兩家的父母一齊食飯、開派對，樂也融融，胡仔絕對是孝順的住家男，而太太陳琪做KOL之後，經常都會分享不少養生和美容的產品，相信連老公都同樣受惠，兩公婆都保養得非常好，成為不少產品的生招牌。

（↓點擊圖片放大↓）

責任編輯：楊安莉