《Think Big》︳趙希洛認做「星二代」負壓大 獲女配角獎星媽冇讚反而講句...

趙希洛 (Candice) 早前現身兒童節目《Think Big天地》做嘉賓，在澳洲長大和讀書的她，小時候已對演戲好大興趣。因母親是無綫EYT藝人梁小玲，Candice屬「星二代」，大可以靠母親關係入娛樂圈來實現演戲夢想，但Candice沒有靠母親，反而選擇選美捷徑，「其實喺澳洲，我16、７歲就想考澳洲演藝學院，但當時被屋企人反對，要我好好唸書。但讀多幾年書後，屋企人都係要我繼續，我惟有諗另外途徑入行啦！咁我就去咗選美，我諗屋企人都冇諗過。」

{{hket:inline-image name="34.jpg"}}{{/hket:inline-image}}

趙希洛上節目分享拍劇的趣事。(圖片：電視截圖)

{{hket:inline-image name="42.jpg"}}{{/hket:inline-image}}

趙希洛憑《金宵大廈》贏得「最佳女配角」獎，對她是一支強心針。(圖片：趙希洛IG)

踩過界II 劇透｜趙希洛演越南華僑苦練口音 「同鄉」阮兒現實真係有越南血統 【下一頁】

Candice承認因「星二代」關係，承受好大壓力，「尤其初入行時，壓力好大，因為媽咪有好多演藝界嘅朋友，可能佢哋都會覺得，『你個女中文唔係咁好喎……喺呢個圈都幾吃力……唔係好啱做呢行』呢啲說話，而面對種種困難，我都將佢全部克服過嚟。」2019年Candice憑劇集《金宵大廈》其中一個單元故事「嬰」，奪得「最佳女配角」獎，對她演藝事業予以肯定，Candice則謙虛說︰「就算拎咗獎，我都會覺得自己做得不夠好，要不斷增值自己，去學瑜伽，去法國、新加坡讀演技課程。」

（↓點擊圖片放大↓）

Candice指媽媽梁小玲思想較舊派，就算獲獎都不會讚出口︰「佢同一般媽咪一樣，佢舊式啲嘅，會要我再做得好啲，（覺得）做得唔夠好。攞獎媽咪都有開心，但佢都有同我講，『唔好以為好叻，都要繼續努力。』而其他新派嘅媽咪通常都鼓勵性多啲嘅！」

Candice在外國長大回港，廣東話發音未太標準，她說：「細個都係爸爸媽媽強迫我講廣東話，到嚟咗香港住，大家都講廣東話，我先改善咗好多。」講到睇中文嘅能力，佢就試過鬧出大笑話。拍劇睇劇本時，很多時都靠好友黃智雯幫她做「人肉翻譯機」，但沒想過智雯都會「出錯」，「嗰時我拍劇集《On Call 36小時》，我負責嗰科係泌尿科，我問智雯呢個咩字？點讀？佢答係『必』字，所以當我講嘅時候，我就講咗我係『必尿科』……即時成間錄影廠嘅人都狂笑我，直到而家大家仲笑緊我。」

（↓點擊圖片放大↓）

撰文：衛紫敏

黃宗澤疑戀內地單親媽網紅米米 米米與網民掀罵戰：最怕亂造謠 【下一頁】