鄧智堅扮姜濤唱跳惹粉絲不滿 Bob鄭重道歉 馮盈盈認係姜糖

無綫為4月開始的綜藝節目大改革，日前在電視城舉行《超級綜藝 隆重登場》大型記者會，其中介紹全新直播節目《開心大綜藝》時，大會派出鄧智堅、吳嘉儀、何遠東等即場示範如何以即興劇賣廣告。其中鄧智堅扮姜濤唱《蒙著嘴說愛你》，又跳麥當勞姜B餐的舞蹈，他自稱「姜蓉」畀心心，當時他被麥美恩打頭，而馮盈盈笑斥他踩場，更揚言：「打到佢變姜蓉！」

《陀槍師姐2021》｜「渣男」鄧智堅呃女一腳踏四船 黃浩然背妻出軌成終極賤男？【下一頁】

{{hket:inline-image name="KEUHNG1.jpg"}}{{/hket:inline-image}}

短短幾十秒的短片，沒想到惹起姜濤粉絲的不滿，指鄧智堅醜化姜濤，更攻入鄧智堅的IG瘋狂洗版留言。其實同場的還有另一位男藝人扮張學友唱歌，不過網友的茅頭只有指向鄧智堅。在記者會同場的盈盈、林盛斌（Bob）等人都收到不少網友的投訴留言。盈盈為平息民憤，她特別上載跟姜濤的合照，自認是「姜糖」(姜濤粉絲的專稱），她說：「呢個moment我要爆喇，其實我嘅真正身份係追星族。我一邊努力撲緊Mirror演唱會飛，一邊努力捍衛姜B喺我心目中嘅形象，嗰啲甚麼姜蓉！？就算再扮得幾盞鬼，就算再向我姜B致敬，就算香港人再多幽默感，都接受唔到囉！今晚我實打多兩碗姜蓉撈飯食，咁先吞得落呢啖氣！無咩事嘅話，我出返去撲飛，有無人有多3張Mirror演唱會飛畀我？我助手同佢朋友都想睇！#3張Thx #2018年12月13日第一次合照 #2019年4月19日再為你歡呼」

（↓點擊圖片放大↓）

回復少女身形丨Bob嫂激瘦雙腳進入翹曲空間 林盛斌澄清冇P圖:本身隻腳內曲【下一頁】

至於Bob雖然冇份扮嘢，不過收到有姜糖留言投訴時，他都逐一留言道歉。後來更主動開Post表達歉意，Bob說：「收到各位嘅意見，亦明白大家嘅感受。如果我嘅行為同言論令到任何人唔開心，我衷心同各位講聲唔好意思，對唔住。亦向姜濤同其他支持佢嘅朋友及粉絲表示，我為我一時衝口而出嘅不當說話令人有唔好嘅感受，感到十分抱歉，我亦會好好檢討我日後嘅言行。」不少網友都讚Bob EQ高，雖然唔關事都一夫當關，有不少姜糖都表達收貨。

而鄧智堅長文亦有IG出Post，內容如下：

收到大家的意見和感受。作為一個中坑，正因為身形、外貌、歌聲都與姜濤先生有很大分別，所以模仿了一個完全反差的造型，並無冒犯任何人之意圖。作為創作和表達上，我們需要再作檢討才能有所進步。
戲仿於世界各地源遠流長，通常都是取材於當代知名人士作對象。本想自嘲本人是「假歌手」及諷刺自己青春不再。不論我當初的出發點是怎樣，作為一個大叔要對自己的言行負責任，戲仿出來的效果，若然為任何人，帶來不適或不快，本人會作出檢討。自己跟Mirror 部份成員亦是朋友，大家一起在不同領域為香港演藝事業和觀眾努力，亦會互相勉勵。預祝姜濤及Mirror 成員演唱會成功，事業更上一層樓，並祝願大家身體健康。

鄧智堅 27-3-2021

當然，鄧智堅的留言都繼續有姜濤粉絲攻擊，但身為主角的姜濤今日出席演唱會記招時就回應事件：「我覺得藝人都係想令大家開心，希望大家可以輕鬆啲咁去睇每一件事。」對於大家認為TVB藝人不尊重人，姜濤說：「又唔會，我覺得冇任何唔尊重，我都好開心有人認識我然後咁去做，大家開心啫！可能有部份fans係比較激動，我代我啲fans講返聲對唔住。」

至於Mirror經理人花姐黃慧君說：「睇完條片覺得好好笑，大家笑得好開心，藝人用諷刺形式搞笑係平常事，fans太愛錫佢，覺得係中傷，唔使咁緊張。Bob唔使道歉，佢一向都好愛錫後輩，第時見到對方都要同佢講唔好意思。」

（↓點擊圖片放大↓）

責任編輯：楊安莉