【聲明】港生活網站並無進行電話推廣活動

周慧敏湯寶如王馨平再合體 黎瑞恩獻唱甩嘴被寸「Good甩」

發佈時間: 2021/03/29

音樂人伍仲衡前晚在麥花臣舉行「搞乜花臣演唱會」,邀請了黎瑞恩、王馨平、何嘉莉、阮兆祥及江伊晴等擔任表演嘉賓,而好友周慧敏(Vivian)則以神秘嘉賓身份現身,琴藝了得的Vivian,除了即席彈奏貝多芬一樂章之外,更與王馨平及湯寶如再次「合體」,唱出《美少女戰士》一曲,特別嘉賓王菀之就演唱《我真的受傷了》。

黎瑞恩與阮兆祥合唱多首金曲但頻頻甩嘴,被阮兆祥揶揄「Good甩」。黎瑞恩自爆感動到喊,她說︰「我做咗好多直播騷但都無觀眾,今日有700幾人,好似好勁咁。伍仲衡出道25年有一個自己嘅音樂會,好戥佢開心。」提到與馬浚偉的舞台劇將於六月公演,黎瑞恩笑言︰「仲諗住可以走得甩,希望到時記到對白唔會甩嘴啦!」

另「扮嘢王」阮兆祥被問到鄧智堅扮姜濤變「薑蓉」引起一眾「姜糖」不滿,阮兆祥說︰「每件事都要兩面睇,扮佢係因為佢人氣勁,只要唔係醜化人就無問題,以前做『福祿壽』扮咁多人,個個都嬲咪無嘢做?」

周慧敏湯寶如王馨平再合體 黎瑞恩獻唱甩嘴被寸「Good甩」

疫情下終於可以正式上台表演,黎瑞恩自爆感動到喊。