中女的福利 林二汶拖姜濤手合唱

林二汶前晚在紅館舉行《The Beginning of Faith》演唱會，除了《全民造星III》冠軍Ben（趙祥誠）擔任表演嘉賓之外，人氣王MIRROR成員姜濤亦上台與二汶手拖手合唱，期間二汶公然「挑逗」姜濤，引來台下尖叫連連，場面搞笑。

演唱會吸引不少圈中人捧場，而適逢at17隊友、已故的盧凱彤（Ellen）35歲生忌，其父母亦有到場支持二汶。二汶演唱由Ellen作曲的《再聚》揭開演唱會序幕。

二汶獻唱《搖到外婆橋》送給已離世的婆婆時，透露有日收到電話叫她趕去醫院探望婆婆，去到醫院後又收到消息，獲告知3月27日紅館個期已confirm（確認）。她表示︰「我同婆婆講，你個孫好叻，真係開到紅館，唔使擔心。面對生離死別，就算你平時做得幾好，總係唔會準備得好。」在唱《最後的信仰》時，二汶提及兩年前Ellen離世後的低潮期，她指︰「兩年前我經歷咗一個根本無辦法形容有幾低沉嘅時間，一個好大嘅跌倒，嗰陣時會覺得我無嘞，我瞓唔到覺，要醫生開鎮靜劑畀我。」幸最終憑着信仰及一班同門幫助，走出陰霾。

公然博懵 獲讚靚女

二汶又與冠軍Ben合唱《People Like Us》，Ben在solo跳舞時，全場觀眾即時high爆。然後姜濤上台與二汶合唱《蒙着嘴說愛你》及《非常夏日》，二汶主動要求姜濤拖着她唱歌，她笑指︰「呢啲就係中女歌手嘅福利，博小鮮肉懵，你睇睇台下啲姐姐們幾羨慕我！」二汶更得寸進尺，叫姜濤與她深情對望當是擁抱，不過姜濤卻害羞地戚起嘴角笑，二汶無奈稱︰「你冷笑！我初入行如果有遠見就可以生得佢出。」又笑言要給姜濤30秒時間讚她，不過姜濤只說︰「多謝二汶請我嚟做嘉賓，二汶好靚。」引來全場爆笑。

撰文︰倪小珊

美術︰梁政敏