陸浩明英文名變法國笑話

J2節目《#後生仔傾吓偈》近日邀請到Ben Sir歐陽偉豪擔任嘉賓，大談改名的重要性。主持陸浩明（6號）、馮盈盈及林穎彤（Bella）跟一眾後生仔、後生女分享關於自己的英文名故事。6號讀書時期曾經使用過英文名Patrick，他說：「我完全無透露過，小學至初中都用過，直至大學就叫Lukhoo。不過大家真係唔好叫我Patrick，我真係應唔到你。」他笑言自己不及Patrick Sir林溥來，所以沒有再用。

馮盈盈提起有不少英文名字都是源自法文，包括Noel、Chloe等，6號隨即想起曾在法國發生的一件笑料，他憶述︰「由於後期我唔用英文名，直接叫6號，咁英文就用Lukhoo，去到法國用法文自我介紹時，全場法國人不停笑，後來先知原來Lukhoo呢個音喺法文係屎忽窿（肛門）嘅意思。」原來6號鬧出個大笑話。