楊思琦囡囡恨有爸爸勁黐後父 老公被指「虛擬」:我覺得好搞笑

由邵氏兄弟製作的節目《Master's Talk師父有請》全新一集邀請到楊思琦和羅霖擔任嘉賓，主持人麥玲玲直言對二人大為佩服，她認為女人結婚後的責任已經夠多，特別兩位沒有另一半分擔，絕對是更加辛苦，不過她們都做得非常之好。兩位同樣是選美出身，楊思琦選香港小姐當年更一口氣掃六個獎，火速獲安排拍劇。楊思琦在幕前一直發展得不錯，當時突然傳出未婚懷孕的消息，一度震驚娛樂圈。

{{hket:inline-image name="_DSC5770.JPG"}}{{/hket:inline-image}}

楊思琦重提事件時「淡淡然」：「生小朋友係我打算，不過之後發生嘅事，係我同對方（前男友吳帥）有問題冇再喺埋一齊，唔係大家想像咁……件事好簡單，我唔會覺得幾震撼，當時唔敢講，面對傳媒係逃避心態，怕講多錯多。」楊思琦表示對方沒有經濟上支援女兒的生活費，她認為自己負擔到就沒有問對方。分開後她繼續完成跟無綫的合約，不過心情上有點抑鬱，她說：「當時被追訪，（見到）啲雜誌標題字眼又好唔開心，當時都擔心前路茫茫，因為生咗小朋友角色有限制。不過演員唔需要個個都青春少艾，我唔驚人哋點睇，最緊要我有飯食。」

孩子除了學費之外，學業上還有唔少瑣碎事要理。楊思琦表示曾經試過返內地工作至凌晨三四點回港，囡囡才告知有份功課未完成，她形容是晴天霹靂，於是火速為她完成後才去休息：「個女見到媽咪工作辛苦，有次病咗發燒瞓喺床，佢喺床邊問候我，話好擔心我，仲攬一攬我，我個心已經融化咗。」

（↓點擊放大睇圖片↓）

對於會否期待「第二春」？楊思琦說：「先頭幾年真係唔會諗，唔會有心情出去約會，不過當時個女有話想要弟弟，（女兒會否問起爸爸？）佢冇問，但佢話過想要個爸爸，所以而家好開心，亦叫現任丈夫做爸爸，不斷叫爸爸，佢恨咗好耐。」至於現任丈夫身分一直成謎，楊思琦稱對方是圈外人，不曝光亦是尊重對方的決定：「我入行都廿年，由細睇到我大嘅傳媒，（知我）有咩都可以講，不過佢（老公）話唔想講我咪配合，（呢個世界上唔多人知？）係呀，網上話虛擬老公，話我自己一人分飾幾角編出嚟吖嘛，咩大話冚大話，我覺得好搞笑；如果真係大話，我會好辛苦囉，我點可以諗到咁多嘢？（怪老公？）唔會怪佢，每個人想法都唔同，大家係要適應同要企喺佢角度諗，總之而家生活好開心。」