師父有請｜羅霖含辛茹苦前夫要求「分身家」 二仔一句說話含蓄道謝抵番晒

由邵氏兄弟製作的節目《Master's Talk師父有請》全新一集邀請到楊思琦、羅霖擔任嘉賓，二人都在沒有另一半分擔下支撐家庭，辛苦程度實在是不足為外人道。林盛斌（Bob）指兩位同樣是選美出身，羅霖選美後在娛樂圈工作五年就選擇結婚，嫁予富家公子劉坤銘。

{{hket:inline-image name="_DSC5773.JPG"}}{{/hket:inline-image}}

麥玲玲形容羅霖是嫁入豪門，可惜外界不太看好，羅霖說：「坊間好多朋友真係打賭，睇吓結婚定會分手！我都冇諗過同佢結婚，我18歲就做空姐，豪華生活、美食，都叫見過世面。初初對佢冇乜嘢感覺，因為佢唔係我鍾意嘅類型。佢話追我，我好驚，當時啲八卦雜誌話佢係公子，又同其他藝人一齊，所以我避開佢，後來一大班朋友活動就成日見到佢。」

{{hket:inline-image name="_DSC5957.JPG"}}{{/hket:inline-image}}

羅霖表示堅強湊大三個兒子，看上去很有型，但都是為勢所迫，「離婚唔係一朝一夕，我忍咗好多年，都希望啲仔大啲先，直至佢超越咗我底線其中一點，所以就離婚。（贍養費？）離婚一刻贍養費係零，我負責小朋友生活費，前夫負責小朋友教育費，點知過半年佢同我打官司，想分我一半錢，學費佢都只想畀部分，打官司真係好心力交瘁，我一個女人點算好呢？幸好媽咪話有飯食飯、有粥食粥，叫我返屋企。」羅霖離婚數年後，曾透露遭前夫家暴而成為她決心離開的原因。

問到為何有勇氣一個帶三個孩子？羅霖解釋起初只是帶細仔離家，不過大仔、二仔主動帶行李去找她，變相負擔越來越大，她說：「離婚後我冇諗過復出，因為年紀好大，只係諗住同朋友夾份做生意，不過離婚新聞之後，有廣告商同其他工作搵我，於是雙線發展。」

（點擊放大睇圖片）

羅霖3個兒子很少將感覺宣諸於口，但二仔就讀心理學之後，有次回港放假對她說：「呢幾年辛苦你喇，你所做嘅嘢，我都睇到呀！」羅霖一邊講一邊哽咽，坐在身旁的思琦都禁不住流淚。羅霖笑言離婚初期最多人追求，可惜照顧三個小朋友太大壓力，擔心感情生活會令她崩潰，而現時也期待找個伴，「撐起頭家好辛苦，想有個伴，啲仔將來有家庭唔會理我，我做好心理準備，對象唔使係筍盤，最緊要大家溝通到，佢心地好，唔使靚仔都可以。」