解構心機女│馮盈盈被江嘉敏踢爆約親都例遲 侷住調位坐到離行離列保持距離

未播映前已經話題十足的《解構心機女》，原定上周一（22日）啟播，但不明原因延至昨晚（29日）啟播。五位主持馮盈盈、賴慰玲、戴祖儀、江嘉敏及劉佩玥（Moon）根據日本節目《心機女》的內容，每晚邀請不同嘉賓傾談及研究女生的機心個案。其中焦點自然是馮盈盈、江嘉敏兩位早已「反目」的好姊妹，口和心不和，卻焗住一齊主持節目，宣傳時合照時已經火花四濺，節目正式出街亦一如預期般火藥味十足！

《解構心機女》突然又延期播出 馮盈盈成綜藝天后接工作無停手【下一頁】

{{hket:inline-image name="kay4.jpg"}}{{/hket:inline-image}}

第一集安排Moon坐在馮盈盈、江嘉敏中間，刻意隔開兩人，而賴慰玲不顧儀態雙腿盤坐，嘉賓張振朗都一於跟風，沒有包袱非常輕鬆。期間，大家談到女生刻意遲到是機心行為之一，馮盈盈的解釋滔滔不絕，指世界上有種叫做「Fashionably Late」（技術性小遲到），她說：「有種隆重登場嘅感覺！如果約好開會，係會刻意遲5至10分鐘，因為（對方）要準備好多唔同文件；如果準時就會望住佢哋準備，好似畀壓力催促佢哋咁！所以Fashionably Late遲少少，等佢哋準備好晒，主人家先出場就會好。」

隨即引來江嘉敏、Moon的回應，前者說：「你知唔知點解呢個話題，馮盈盈可以講得咁順暢、熱烈同開心？佢次次約親我哋去行街、食飯……做乜嘢都好，每次都係Fashionably Late，冇一次唔係！」馮盈盈未及反駁，戴祖儀即時打圓場，將話題轉向嘉賓張振朗。

問及與江嘉敏外出是否「例遲」，盈盈以短訊回應《晴報》時推說已忘得一乾二淨：「其實因為工作太忙，我同嘉敏對上一次約出街見面都已經差不多一年前喇，咁耐之前嘅事，我都已經唔記得詳情喇，如果我同佢之前見面真係有遲到的話，我講番聲唔好意思，希望佢唔好再繼續放係心上啦！」提到被爆料似製造節目效果，她坦言：「好多謝大家咁留意我哋節目，第一集出街就已經咁多報道喇，好好宣傳效果！」

（點擊放大睇圖片）

一張相兩個版本｜馮盈盈認修圖「編輯風格唔同」 暗寸江嘉敏原圖直出︰冇可能扮冇P【下一頁】

正所謂口裡說不，身體卻很誠實，節目尾聲，Moon、張振朗挑戰「情景題」接演短劇，馮盈盈焗住讓位坐在江嘉敏身旁，不過兩人明顯保持距離，刻意坐到離行離迾又零交流，相比起原本Ｍoon同江嘉敏之距離，實在是天淵之別。

其實兩人在錄影時已經火藥味十足，馮盈盈將她跟江嘉敏的合照上載IG，並表示請飲珍珠奶茶「破冰」，沒想到江嘉敏回應指「自己冇飲」，而且暗寸馮盈盈未問准監製就Po相，又寸爆對方疑似P圖，但係只P自己。

（點擊圖片放大睇）

責任編輯：楊安莉