燈神譚詠麟加持姜濤惹姜糖憂心 阿倫搞笑謙言：咁易燈死咩？

無綫早前舉行的《超級綜藝隆重登場》記者會上，因藝員鄧智堅惡搞姜濤變身「姜蓉」，模仿姜濤的心心手勢及講「姜B餐」急口令，加埋司儀麥美恩、馮盈盈和林盛斌（Bob）喊打喊殺話：「打到佢變姜蓉！」連串動作惹怒一眾「姜糖」，炮轟無綫「小器」，身為一間大台竟容不下一個姜濤，要靠醜化對方來出位，行為「低俗」兼尷尬過闗心妍攞錯獎！

扮嘢扮出大頭佛，幾位司儀急急出來道歉，以求撲熄「姜糖」怒火。事後「受害人」姜濤未有動怒，反代「姜糖」的激動行為道歉，而經理人花姐黃慧君亦大方回應事件，覺得藝人用諷刺形式搞笑是好平常的事；姜濤和經理人花姐表現大體，更突顯對台的「小家」作風。

{{hket:inline-image name="07.jpg"}}{{/hket:inline-image}}

姜濤處理被惡搞事件大方得體，有大將之風，被譚詠麟公開稱讚。（圖片：東星娛樂）

{{hket:inline-image name="22.jpg"}}{{/hket:inline-image}}

譚詠麟日前在微博發文讚姜濤及其經理人花姐。（圖片：譚詠麟微博）

鄧智堅扮姜濤唱跳惹粉絲不滿 Bob鄭重道歉 馮盈盈認係姜糖 【下一頁】

事件成為近期熱話，就連近年變得低調的「樂壇校長」譚詠麟都彈出來，為姜濤加持一下，在微博發文大讚姜濤處事夠晒風度，「少見的年輕一代藝人，回答得那麼大方得體，有氣量及風度，大事化小、小事化無。經理人花姐教得好，加油！有機會帶Mirror上去《聲夢》交流一下，大家良性切磋百花齊放重振昔日香港樂壇！」不過，網民對於此等加持，反替姜濤演藝生涯擔心，因譚詠麟有「燈神」稱號！經他「燈」過的藝人，有關楚耀、閻奕格、李蕙敏、梁漢文、樂隊Mr.、林欣彤……更有口痕網友笑指他真的以為自己是「校長」，甚麼也要出來管一餐！

（↓ 點擊圖片放大 ↓）

今日「燈神」譚詠麟現身電台活動，已有2年沒有出席香港公開活動的他表示，去年多在內地工作，並稱已接種科興疫苗，下周會打第二針。問到可有三高及異常反應？他稱：「冇三高，但身邊朋友打完兩星期後，就有幾日好眼瞓，我都奇怪平時好少日頭眼瞓嘛！」他說近日和曾志偉頻密通電話（志偉搵你亮相無綫節目？），有需要自然會幫手，不要分「你台我台」啦，應齊心做好香港樂壇。

MIRROR有機會現身無綫？譚詠麟笑言：「我都唔識佢哋，我提意下啫，大家交流。」並稱早在MIRROR訓練初期已留意姜濤，「見呢個男仔幾得意，肥肥哋幾好呀！（姜濤回應惡搞事件答得好大方？）好好，好少見後生仔咁識諗，EQ拍得住我。」覺得「姜糖」太在意？「節目旨在開心吓、笑吓……粉絲諗埋一邊我都慣咗啦！」有網民擔心「燈神」能力太強，將姜濤「燈死」！譚詠麟即時表示：「咁易燈死咩！咁我燈死好多人啦！（網民有列出被你燈死名單）死唔去嘅，死而不『姜』。」

對於近日包括陳奕迅等因為新疆棉花風波而與國際運動品牌割席，一身運動打扮的譚詠麟說風褸是本地品牌Koyorock，波鞋是西班牙品牌KELME。往後穿運動品牌要避忌？他說：「避得咁多咩？邊有得避，咁我啲衫、鞋都有紀念性，歌迷送嘅，我著佢哋開心，我又開心啫！」

（↓ 點擊圖片放大 ↓）

撰文 : 衛紫敏

劉浩龍KB「童」道中人初嚐性體驗 44歲師兄未嚐夢遺 肥谷：你真慘 【下一頁】