【聲明】港生活網站並無進行電話推廣活動

唔敢追生女 陳凱琳擔心生孖仔變「全男班」

發佈時間: 2021/03/31

陳凱琳(Grace)與老公鄭嘉穎育有兩個可愛兒子,身為家中女王的Grace,昨日笑言暫時無意追多一個小公主,皆因Grace有生孖胎的基因,擔心若第三胎是孖仔的話,全屋男士令她「無位企」。

陳凱琳與關智斌(Kenny)昨日出席防疫產品期間限定店活動,Grace的孖生弟弟日前結婚,Grace笑言不會催弟弟盡快生B:「我想佢幫我湊熟兩個仔先,我細仔個樣都有啲似舅父,望住細仔,就好似睇番細個嘅我同細佬咁。」

提到家中兩個囝囝的相處,Grace說:「兩兄弟年紀相差一年半,細佬出世嗰陣,大仔未識照顧,依家佢開始知自己係哥哥。」問到Grace會否考慮生第三胎追個女兒?她說︰「依家湊兩個已經好忙,嘉穎睇我決定,不過我都擔心如果第三胎生孖仔,變咗成屋都係仔,我無地方企喇,所以暫時唔考慮。」

Kenny無催張致恒還錢

同場的Kenny近日忙於上堂學演戲及跳舞,提到好兄弟張致恒陷入欠債風波,曾借錢給對方的Kenny只說:「呢排大家都好忙,佢喺自己平台回應咗,我唔想再加多句。(催對方還錢?)無特別去問,唔記得咗嘞,等佢解決咗自己嘅事先啦。(介紹工作?)上咗人生嘅一課,要自己去面對。」近日有傳Kenny身邊有新密友,他自言目前單身:「我已經生人勿近喇,朋友都唔肯同我出街。」

採訪︰Pauline

美術:梁政敏

唔敢追生女 陳凱琳擔心生孖仔變「全男班」

陳凱琳兩個囝囝同樣精靈又靚仔。(資料圖片)

唔敢追生女 陳凱琳擔心生孖仔變「全男班」

關智斌希望張致恒好好面對困境。