Ian＠MIRROR臨時加彈琴戲被考起

近來男團MIRROR人氣爆燈，早前宣布五月開騷，五場門票被樂迷秒殺，相當厲害。成員陳卓賢（Ian）最近推出個人新歌《DWBF》，希望改變曲風，大唱甜蜜冧歌。《DWBF》意即「Don't Wanna Be Friends（不想只當朋友）」，Ian透露：「故事係講男仔唔想再同對方做朋友、希望超越友誼，終於佢踏出一步，所以有呢個構思同歌名。」

Ian今次雖然只參與作曲，但在歌詞上提出不少想法，更在歌詞暗藏玄機：「我好鍾意方大同，所以將《愛愛愛》、《歌手與模特兒》放入歌詞，當係一個密碼。」拍攝MV時，Ian自爆被一場彈琴戲考起：「導演想我彈琴，所以要即刻聽首歌，臨時彈出嚟。我好耐無彈琴，喺無準備嘅情況下都有啲驚，算係當日最緊張嘅戲。」