Mirror成員AK│江𤒹生頒獎禮失獎呆樣被錯誤解讀 忠於自己：偶像唔可以做一世

人氣組合Mirror演唱會舉行在即，各成員都密密推出自己的獨唱新歌，AK江𤒹生去年推出的4首個人作品，反應不錯，為他打下一支強心針。不過今年年初的《叱咤樂壇頒獎典禮》上，AK失落了從小夢想中的生力軍獎項，一臉愁容卻被冠上「黑面」之名，被網友無限解讀。新歌《黑之呼吸》正是AK心態的寫照，望大家多多了解他，讓他繼續安心忠於自己。

最後一屆口罩小姐│ERROR做隊長表情管理被考牌 「最怕係佢一除罩全場安靜」【下一頁】

{{hket:inline-image name="ISP05415.jpg"}}{{/hket:inline-image}}

{{hket:inline-image name="166195984_280137393824980_3970125862973245971_n.jpg"}}{{/hket:inline-image}}

AK形容新歌《黑之呼吸》有別於過往的情歌，今次是表達出自己的內心世界，他說：「呢個世界點表現自己真偽同表現自己情緒？好多人話要做自己，但當你真係咁做，又會收到好多抨擊。最矛盾係如果戴面具去面對世界，人哋又覺得你虛偽、好假、官腔等等。人有情緒，喜怒哀樂，應該好好珍惜呢份禮物，只要唔好傷害人，可以好好去抒發情緒。」

問到歌曲是否反映年初頒獎禮被指「黑面」一事，AK稱只是部分借鏡，「好多人知我性格直率、真同衝動，過往碰過好多次釘，頒獎禮只係其中一次。當晚我承認做得唔好，掛住沉淪喺自己嘅唔開心入面，而冇第一時間恭喜隊友，係我做得唔好嘅地方。當刻我嘅情緒只係對自己失望，對自己成績唔理想而傷心，單純係呢個感覺，個腦運作唔到；但唔可以單純用一秒鏡頭斷定我係乜嘢人。講真，人同人之間相處一段時間都未必真正認識對方，更何況戴住口罩嘅一秒鏡頭？」表示這件事讓他上了人生重要一課，說不上委屈，人總不能夠要求全世界明白你。

直率不會掩遮的性格，感覺在娛樂圈總是比較難走，AK認為性格不能夠斷定一切，他作為表演者，是單純喜歡將表演帶給大家。「外界可能認為Mirror係偶像，我唔覺得自己係，偶像行唔到一世。我知自己而家實力未係最好，呢一行增強實力先係最重要。我覺得自己冇乜嘢偶像包袱，我拍《打天下》第一集就露屁股，同Mirror所有兄弟一樣，做應做嘅事，因為我哋由比賽開始就明白，機會來得不易。」

（點擊放大睇圖片）

是滴是友│花姐48歲處女下海飲紅酒扁晒嘴 為Mirror買貼身用品自覺卑微【下一頁】

AK笑言小時候個性比較被動，經常被欺負，他說：「我小學時俾同學偷乒乓波拍，我喺木柄有寫名，個同學放喺佢Locker，用塗改液遮，但又跟住我個名嘅筆劃去塗，好明顯睇到江𤒹生呢三個字。我最後咪拎番，放落自己書包囉！唔會踢爆佢，所以我真係成日俾人蝦。」直至中學，AK加入校隊踢波，競技心變強，亦不會再做弱者。

{{hket:inline-image name="SKP05231.jpg"}}{{/hket:inline-image}}

在Mirror十二名成員當中，AK直言自己嘈吵、直接的性格容易突顯出來，笑言：「所有嘢唔經修飾就做出嚟，呢個係我可惡，亦係可愛嘅地方。我同Fans都係咁講，只要唔好傷害到人。當然選擇做自己比較舒服，呢個世界好多嘢同以前唔同咗，運作唔同咗，發生嘅事都越嚟越複雜。呢幾年大家情緒、能量都好似好差咁，既然做乜嘢都有人批評，點解唔舒舒服服做自己？」

AK是舞蹈員出身，成功打破《全民造星》的一句「Dancer唱歌注定坎坷」的咒語，去年有機會單飛出歌，他希望以慢歌去證明自己，同時直言開始技癢，往後希望有機會推出跳舞歌曲，發揮出自己所長。問到會否再恨獎？他說：「唔會啦！曾經好想得到，過咗一段時間去消化之後，學識唔好咁執著，頒發生力軍獎係由細到大好期待嘅一幅畫面，而家明白到獎項係一個Bonus。早幾個星期有一個粉絲私訊我，話佢失戀唔開心想自殺，但聽到我首《蝸牛》搵番力量繼續行落去。慶幸自己嘅歌曲鼓勵到人，解決人生難關，呢樣事情比獎項嚟得更重要！」

（點擊放大睇圖片）

場地：VS MEDIA
髪型：Denny Ku @ Chic Private i salon
化妝：Rainbow chung @AnnieG.Chan makeup centre
服裝：Ksubi、Jimmy Choo
造型︰PIPA Creative
攝影：潘卓忻、黃紫維
責任編輯：楊安莉