【聲明】港生活網站並無進行電話推廣活動

曾志偉承諾年尾節目回歸 薛家燕再做《流行經典》全靠事業綫

發佈時間: 2021/04/01

已播映四年的長壽節目《流行經典50年》,前晚錄影壓軸最後一集,適逢是家燕姐的71歲正日生日,無綫副總經理曾志偉特別到錄影廠與家燕姐切蛋糕。志偉笑言因家燕姐事業綫夠長,故承諾《流行經典》將於今年尾回歸,逗得家燕姐非常開心。

壽星薛家燕前晚以桃紅晚裝亮相,與歷代主持胡楓、陳敏之、鄭俊弘、譚嘉儀等一齊錄影,亦邀得王馨平、馬德鐘等多位嘉賓。家燕姐獲大會送上生日蛋糕,三位子女及曾志偉亦驚喜現身慶祝。家燕姐感觸說:「呢集係第160集,咁啱又係我嘅生日,係我嘅幸運同福氣,亦好興奮請番參與過嘅主持做嘉賓。」

家燕姐坦言不捨節目完結,但知道志偉有心將樂壇發揚光大,值得支持:「我就快做嫲嫲,可以多啲時間湊孫,志偉話年底節目會回歸。」志偉大派定心丸說:「一定唔會係最後一集,你睇家燕姐條事業綫咁長,梗係有排做啦!」家燕姐笑言︰「好彩你留意到我條事業綫。」工作中度過生日的家燕姐表示今年牛一特別有意義,問到男友有何表示?她說:「未知,佢話會寄份禮物畀我。生日願望係身體健康、兒孫滿堂,疫情盡快過去。」

馬德鐘趕上節目尾班車

同場的馬德鐘參加最後一集錄影,他形容家燕姐是自己的幸運星︰「之前度咗兩次期上節目,但都要開工,點知今次家燕姐一打畀我就成事,趕到尾班車上嚟。」家燕姐大讚馬神靚聲,演得又唱得,二人合唱《緣份》,馬神亦獨唱《我只在乎你》:「我事前要特別練歌,個仔同太太都好鍾意呢首歌,唔可以失禮人。」

採訪︰Pauline

攝影︰林良明

美術:梁政敏

曾志偉承諾年尾節目回歸 薛家燕再做《流行經典》全靠事業綫

家燕姐三位仔女前晚現身,但未見大肚新抱。

曾志偉承諾年尾節目回歸 薛家燕再做《流行經典》全靠事業綫

甚少唱live的馬德鐘,錄影前加緊練歌免失禮。