劉佩玥操2日變「狂舞派」

劉佩玥（Moon）、王君馨（Grace）及歐倩怡等，前晚錄影最後一集《流行經典50年》，第一次上該節目的Moon，透露與譚嘉儀合唱《信者得愛》。Moon說她︰「呢首歌我之前無唱過，嘉儀話最後一集想跳少少舞，點知嚟到唔係咁，係要跳晒成隻。我本身唔太識跳舞，所以要狂練，唔可以辜負大家。我喺公司排練咗兩日，又拍片返屋企逐格播慢慢練，希望大家可以見到不一樣嘅Moon。」

而Grace今次已是第三度現身節目，她指主持鄭俊弘在群組號召當年《星夢傳奇》參賽者加入錄影，大家一呼百應，她說︰「我哋參加比賽已經係八年前，時間過得好快，有啲結咗婚，有啲做咗媽咪，可能要再等下一個八年先組團再聚，仲記得當年大家都好熱血咁追逐歌星夢。」

攝影：林良明