回復自由身許廷鏗自爆獲星夢招手

許廷鏗（Alfred）早前與華納唱片突然宣布約滿，又傳出他私下接job令華納不滿。昨日Alfred到跑馬地出席代言食店活動，對於跟華納的不和傳聞，他特別澄清︰「無大家諗得咁juicy，只係合約完咗有新開始。」

Alfred指近日有不同唱片公司向他招手，自己不排除會再簽唱片公司，又透露舊公司星夢娛樂亦有向他招手︰「我同所有合作過嘅公司都保持良好關係，唔排除簽唱片公司嘅可能性，或者唔同形式嘅合作。」問他是否羽翼長成可以自立門戶？Alfred表示︰「都可以話係，依家嘅可能性會更加大。」