最後一屆口罩小姐│「老闆娘」楊慧敏食殺蟲劑飲漂白水 193責任攬晒上身英雄救美

馮盈盈「港大師姐」兼嘅2019年落選港姐楊慧敏，近日參加ViuTV舉行的《最後一屆口罩小姐選舉》，是非多多嘅佢疑似受唔住網民嘅批評，企圖服食殺蟲藥飲漂白水自殺！

{{hket:inline-image name="1617355514_a9e6.jpg"}}{{/hket:inline-image}}

網民力數楊慧敏，第一係「強調自己好有錢」，喺節目入面佢叫「老闆娘」，不時曬名牌，其中一集一班參賽者要入街市拍攝，佢就一臉嫌棄話自己戴晒鑽石戒指唔適合入街市，仲話自己成世人去街市都唔超過10次。

第二係「不停放生電」，指佢對住任何雄性動物都唔放過放生電嘅機會，就算去街市燒味檔學斬雞時嘅中年檔主都唔放過。第三係「博出位」，喺拍片賣廣告環節多次玩軟骨功擺奇特Pose嚟出位。唔少網民都話會因為楊慧敏罷睇節目。

{{hket:inline-image name="mina5_16607650906065a996ebcca-1024x898.jpg"}}{{/hket:inline-image}}

楊慧敏早前喺社交平台稱自己計劃先食殺蟲藥，再飲漂白水，食咗一啖覺得好難受即刻吐番出嚟！佢話：「我並不是想結束生命，因為我有愛我的家人和朋友，我不想他們內疚及後悔。我只是想痛苦消失。」之後仲開Live邀請網民分享人生低潮，同埋提醒佢有乜嘢可以改進嘅地方，同時稱令大家擔心，感到十分抱歉，唔會再重蹈覆轍咁話。

今日楊慧敏喺《最後一屆口罩小姐選舉》記者會上現身，老闆娘一邊喊一邊講：「多謝我隊長193初初畀機會我入圍，令我經歷同成長，多謝我嘅組員對我嘅包容同鼓勵，有佢哋支持，我先可以勇氣去面對真實嘅自己。網民嘅留言我都睇晒，我有好多反省，知有好多不足，我真係好想去改變同埋成長，嚟緊我會努力改變同備戰，希望大家見到我進步。」

（點擊圖片放大）

隊長193＠ERROR都鼓勵老闆娘，叫佢唔好將網民意見照單全收，又為佢解圍，「你有睇留言就啱喇，唔需要全部都接收，好嘅可以參考，如果係純人身攻擊，你要過濾咗佢！其實老闆娘係好勤力，佢會將自己最真性情一面擺喺鏡頭前，而令人有誤會，話佢炫富晒命……其實係我煲出嚟，有錢人呢個形象係我煲出嚟，為節目效果，係我幫佢炫富，可能咁畀人誤會咗！其實綜藝節係想帶畀大家歡樂，有乜嘢唔啱笑咗佢咪算，唔好人身攻擊，我哋ViuTV綜藝節目只係想帶畀人開心，就係咁簡單！」

編輯：黃蘊姿