師父有請│麥玲玲爆被師兄欺負單拖訪凶宅 農夫稱每次出埠同房瞓就撞鬼

林盛斌（Bob）及麥玲玲主持的《Master's Talk師父有請》邀請到農夫擔任嘉賓，陸永和C君談到「凶宅」的話題，麥玲玲自爆曾經被師傅要求她跟師兄去處理凶宅問題，原來戶主墮過胎有亡魂，但當時師兄稱只負責留守在門外，她硬著頭皮入屋處理，C君追問師兄是誰，他跟陸永你一言我一語猜想是李丞責，麥玲玲說：「唔係呀，我哋唔係同門呀！」C君續說：「唔怪得啦，今日講『凶宅』原來就係李丞責（宅）！」麥玲玲笑稱自己有點怕，做不到「凶宅大王」，只能做「胸襲大王」，C君搞笑說：「嘩，你咁樣對安德尊？胸襲阿大王，所以李錦聯先咁嬲，佢心諗：『做咩唔益我呀？』」

師父有請｜羅霖含辛茹苦前夫要求「分身家」 二仔一句說話含蓄道謝抵番晒【下一頁】

{{hket:inline-image name="77f71481-b20e-4bb1-9bf1-b419379bdb30.jpg"}}{{/hket:inline-image}}

{{hket:inline-image name="800_137d7d225905e9e2b782832df6af4687.jpg"}}{{/hket:inline-image}}

麥玲玲後來練大自己的膽量，就算去馬來西亞雲頂住酒店尾房都沒有問題，不過農夫在雲頂就遇到靈異事件，陸永說：「平時出埠，我哋多數一人一間房，有次去雲頂咁啱只係安排同一間，但間房好大都闊落都不錯，咁我哋揀套動畫嚟睇，已經唔係驚慄片，睇完就熄燈一齊瞓。點知聽到廁所個電子感應式垃圾桶，不斷開閂，而且個節奏已經超越咗個感應，好快！」當時兩人同樣感應到一系列的聲音，C君爆粗鬧完，沒想到聲音就停了，後來就睡著。反而睡不著的陸永面對更可怕的經歷，陸永說：「我聽到有跑步聲由遠走近，仲成個類似小朋友重量嘅跳上我個肚度，我望住我頭上係一大片黑色嘢籠罩住，心唔算太驚，但覺得佢係小朋友，於是念經叫佢走啦，但唔好傷害佢，點知感應到佢去廁所好似撞車聲咁大聲『啪』，但C君都竟然聽唔到。」

（↓點擊圖片放大↓）

{{hket:inline-image name="z.jpg"}}{{/hket:inline-image}}

麥玲玲爆料︱陳伶俐初見老公豪宅嚇窒嗌分手 姚子羚前度屋企有𨋢:會覺得空虛【下一頁】

陸永形容他跟C君各自人生都不會遇到鬼，但總是一齊的時候就會，曾經在英國拍攝，當時陸永玩平板電腦，睡著的C君突然醒來去廁所，但C君用奇怪眼神望一望他，C君說：「我見到有個女人耷低頭望住佢，我呆咗，半夜起身以為自己懞查查，去完廁所之後又見唔到。點知第日攝製隊有同事話喺走廊見到紅衫女人行，轉彎走去搭𨋢位置。」

Bob表示曾經有去過九龍塘一間4000多呎的豪宅，比同區的平一半租，後來他問過附近的看更，原來左邊有佛壇，右邊有佛堂，麥玲玲解釋說：「廟前窮、廟後富、廟左廟右出寡婦。」

責任編輯：楊安莉