一起走過│安德尊Keep住條盲腸足足29年 被問「慾海肥花」戀情竟然咁答？

安德尊近日接受金牌監製楊紹鴻及江美儀的電台節目《一起走過》訪問，談到1992年在亞視期間跟楊紹鴻合作拍攝《開心鬼福星（地獄雙雄）》，發生一件非常難忘的事；原來有天安德尊和姜皓文在深水灣拍攝外景，安德尊不舒服不斷飆冷汗，見肚痛越來越嚴重，最終要求助救護車送院，原來是急性盲腸炎，須即時接受手術。

流行都市｜安德尊宋芝齡「鬥氣冤家」互動親密 癡心漢子59歲只曾對一人心動【下一頁】

{{hket:inline-image name="101534793_131893331821885_4374553168843898880_n.jpg"}}{{/hket:inline-image}}

安德尊對當時的情況非常模糊，但感激楊紹鴻送他入院救他一命，他說：「條嘢（盲腸）仲喺度，不過防腐劑散晒，剩返條乾屍咁，（你好長情留到而家？）唔係，我係古老，阿媽教落將來有咩冬瓜豆腐放埋入去（棺材）。」江美儀笑安德尊當正自己是太監，收藏好自己「寶貝」將來一齊安葬，怕投胎後會冇咗，安德尊說：「冇咗條盲腸都唔叫做全（屍）嘛，好好笑咩？一個人嘅觀念，令我個人生命入面對任何嘢都表現尊重同要求完整。」他更搞笑叫江美儀將她的盲腸拿出來，可以比一比大小，江美儀稱老早就丟掉了。

安德尊後來轉到無綫發展，轉投綜藝節目，甚少拍劇，問到為何自小喜歡電影的他不再拍劇呢？「做主持好啲，拍劇真係難，公司對我唔錯，但出街總係受到觀眾白眼。有次我同劉志榮喺鴨巴甸街拍《歷史也瘋狂》，遇著好多學生放學，有個同學行好近鄙視話『唓，亞視！』，當時劉生欣然面對，佢教我唔需要介意。當時想做得更好，去試另一個層面，所以轉去無綫發展。」

安德尊加入無綫後，安排做《城市追擊》的外景主持，江美儀即時想起「慾海肥花」事件，追問到底傳聞兩人相戀是否真事？安德尊竟然答：「話係咁話囉，（真定假？）ok啦，佢有個女呀！」他否認已婚，稱只要有心儀對象不排除結婚。

（點擊放大睇圖片）

舊日的足跡│安德尊爆太窮自卑唔敢追關寶儀 助手默守20年：「儲定人情啦！」【下一頁】

一心打算加入演藝圈好好發展的安德尊，認為做綜藝節目發揮更多，而且回報大反應佳，又學到不少新事物，非常感恩。問到一直做《都市閒情》或《流行都市》十多年會甘心嗎？他說：「其實做乜嘢我都鍾意，視乎人哋搵唔搵你，做《都市閒情》同觀眾交流，又識到好多唔同界別朋友，人生都立體啲、豐富啲，唔會厭呀！你話拍劇唔係唔想，咁我面容唔夠人靚仔，人生就係咁，如果我靚仔一嘢就成功過周潤發、劉德華啦！大家人生既然唔同，我就踏實去做，每日都當係最後一日喺娛樂圈工作，我好用力去做，呢廿年見盡生老病死，更加珍惜同享受每一刻。」

責任編輯：楊安莉