【聲明】港生活網站並無進行電話推廣活動

一日食6餐 陳山聰狂增磅做大隻佬

發佈時間: 2021/04/07

陳山聰、姚子羚、劉穎鏇及趙希洛等《大步走》演員,昨日聯同60位跑友,齊齊圍繞電視城跑步。天氣炎熱,姚子羚跑到溶粧兼喘氣,最後陳山聰在胡諾言禮讓下一同衝綫奪冠。

向來有跑步習慣的陳山聰,完成一公里多的賽事後,依然狀態大勇;相反姚子羚跑到氣喘,跑完後更「一支箭」往化粧間補粧,被山聰取笑去接受人工呼吸。子羚坦言:「山聰佢哋黐線㗎,跑得好快,起初跟佢哋節奏跑,結果錯咗呼吸,跑到索晒氣。」山聰表示在電視城跑步十分興奮:「我跑第一,其實係因為胡伯(胡諾言)等埋我,佢跑得快啲嘅。」

昨日大騷麒麟臂的山聰透露,希望今年夏天操大隻挑戰自己:「我希望有少少突破,畀人見到一個新嘅陳山聰,希望身形練大一個碼。我依家一日食六餐,平均兩個鐘食一餐,希望增十幾磅再操肌。」

劉穎鏇想操人魚綫

同場的劉穎鏇亦順利完成跑步賽事,不過她說:「跑到中段有啲腳痛,但係我都要捱埋落去。」她又表示會多做運動操fit身材,希望練出人魚綫及蜜桃臀,亦不擔心練到上圍縮水。另外,提到劉穎鏇有份拍攝的新劇《青春不要臉》,劇組日前到郊外拍外景後留下垃圾,她坦言大家做得不到,劇組一起負責,又保證日後到任何地方拍攝,都會清理好現場才離開。

採訪︰Pauline

美術:梁政敏

一日食6餐 陳山聰狂增磅做大隻佬

(左起)姚子羚、陳山聰及劉穎鏇笑言在電視城跑步甚有新鮮感。