【聲明】港生活網站並無進行電話推廣活動

犧牲色相玩HeHe情 張智霖張繼聰浸浴似烚菜

發佈時間: 2021/04/08

張智霖(Chilam)與張繼聰在為電影基層人員籌款的新片《總是有愛在隔離》中,上演一幕肉騰騰見面戲,二人互搽蘆薈油,更高唱大熱兒歌《Baby Shark》,考起這兩位星級爸爸。

對於半裸搽油,張智霖直言︰「幫人按摩唔容易,特別阿聰(張繼聰)啲肌肉咁厚,真係每個行業都有艱難嘅地方。」阿聰則說︰「好在同Chilam熟,如果同無咁熟嘅人,可能會就住。」他們拍一場焗桑拿戲,大呻浸熱水池浸足半日,阿聰說︰「我覺得我哋好似打邊爐入面嘅雜菜,出晒煙!」Chilam坦言浸到暈暈哋,也替浸住熱水拍攝的幕後人員辛苦。

至於唱兒歌《Baby Shark》逗小朋友,兩人異口同聲表示十分困難,阿聰說︰「身為歌手,唱開複雜嘅歌,要唱簡單旋律係有難度;Chilam辛苦啲,佢無乜點聽過呢隻歌,我聽呢隻歌已經聽咗過億次!」

撰文︰倪小珊

美術︰梁政敏

犧牲色相玩HeHe情 張智霖張繼聰浸浴似烚菜

張繼聰以「飛毛腿」夾實Chilam。