響《勁歌》頭炮撼ViuTV 張敬軒開心見番頒獎禮場面

新版《勁歌金曲》前晚錄影第一集，張敬軒、胡鴻鈞、Gin Lee等近30位歌手獲邀上節目，無綫副總經理曾志偉及星夢娛樂CEO何麗全亦現身撑場，相當熱鬧，難怪軒仔笑言猶如看到過往的頒獎禮盛大場面。

張敬軒前晚坦言很久沒見樂壇這種熱鬧的感覺：「台上好多新面孔，台下就好似以前頒獎禮場面咁，見到好多舊同事，好感慨，但好開心見到有呢個趨勢。」軒仔坦言不少同業在疫情下轉行：「不過呢行有種魔力，就係夢想，希望疫情過後，佢哋可以返嚟呢行。」

提到改革後的《勁歌金曲》將對撼ViuTV音樂節目《Chill Club》，軒仔表示兩個節目均在黃金時間播放：「證明一個好好嘅信息，就係大家都重視音樂。（為《勁歌》打響頭炮？）一個節目好睇與否，唔係取決於一個人，係要大家齊心協力，我覺得做音樂節目最緊要尊重音樂，歌手又可多個宣傳渠道。」

胡鴻鈞想收車位做禮物

同場的胡鴻鈞非常興奮，原來他視軒仔為偶像：「每次對住皇上（軒仔）都有心動嘅感覺，佢係我偶像，未出道已經好鍾意佢。」上月尾度過31歲生日的胡鴻鈞，希望將來與偶像合作。問到緋聞女友蔡思貝有否為他慶祝生日？他只說：「當日我要拍劇，思貝同我講咗句生日快樂。」提到蔡思貝最近購入車位，他笑說：「我都恭喜佢做咗車位業主。（送車給思貝？）我哋係獨立嘅，有錢嘅話我都想幫自己換車。（想思貝如何補祝？）叫佢送個車位畀我。」

採訪︰Pauline

美術：顏玉玲