【聲明】港生活網站並無進行電話推廣活動

6號變紅館大喊包 RubberBand尾場為港人打氣

發佈時間: 2021/04/08

樂隊RubberBand前晚在紅館舉行演唱會尾場,主音6號貫徹喊包本色,三度encore後在台上盡情喊爆。RubberBand四子不忘勉勵香港人,鼓手泥鯭希望大家互相扶持走過艱難的路,瀟灑面對散聚,場面相當感人。

演唱會尾場由鼓手泥鯭負責獨唱部分,自言「全隊最多嘢講」的他說:「我成日講錯嘢,令隊友、同事好擔心。」他又分享心底話:「呢個騷係咪好沉重呀?其實又唔係,至少我同你仲生勾勾,身邊仲有家人、朋友、隊友,仲有一班同路人互相扶持,無論幾難嘅路都可以一齊行落去,面對『散』大家唔使太傷感。」他自彈自唱一曲後高呼「香港人」,觀眾即熱烈回應「加油」互相打氣。

個唱尾聲,樂隊以演唱會主題曲《Ciao》作結,主音6號忍不住激動爆喊,最後更擁着隊友,一邊抽搐放聲痛哭一邊落台,感動全場觀眾。四子完騷後表示四場演唱會都十分感動,低音結他手阿偉大讚:「6號好叻仔,以前一場喊幾次,今次四場加埋先喊幾次。」泥鯭亦自爆聽到隊友唱《夏令時間》時,自己也悄悄落淚。今次開騷叫好叫座,但四子表示沒考慮開part 2:「今次演唱會只有一個月時間準備,無論體力同精神上都好攰,依家淨係想休息。」

榮幸曾俊華捧場

提到前財政司司長曾俊華現身欣賞頭場,6號說:「好感謝佢嚟,之前我哋接受佢訪問,嗰刻做咗朋友,我哋好有緣,好開心佢都會聽流行曲。」曾俊華曾是band友,會否齊齊jam歌?他們笑說:「我驚我哋未夠資格!」

撰文︰Pauline

美術:顏玉玲

6號變紅館大喊包 RubberBand尾場為港人打氣

主音6號一邊喊,一邊攬實隊友。

6號變紅館大喊包 RubberBand尾場為港人打氣

曾俊華夫婦欣賞個唱頭場。(資料圖片)