喜劇之王│甜筒輝冇讀哈佛但高考拎1A2B 曾不可一世靠如花指導學開玩笑

在周星馳電影《喜劇之王》中飾演甜筒輝一角的鄭文輝（甜筒輝）近日接受香港電台節目《守下留情》的訪問，主持人梁禮勤和客席主持崔錦棠對他的背景大起底。提到「甜筒輝」的名字，外間大多數以為是周星馳在角色上賦予給他，但原來不是。鄭文輝說：「大家都以為係劇情，但我一入行就已經被人叫甜筒輝，《喜劇之王》只係加強咗呢個名。以前有句俗語『xx懵懵食甜筒』，當時我啱啱入行入世未深，做人唔夠圓滑同乾淨俐落，成日撞板又懵懵哋咁，所以被人叫我做甜筒輝。坦白講呢個名幫咗我，其實現場場務係想『片』我，大學畢業生由低做起，完全唔理解。」

點解好驚周星馳？│苑瓊丹樂演醜角學「低B瓊」生存哲學 「太聰明會犯眾憎」【下一頁】

{{hket:inline-image name="168821344_4135730353111827_4846634392752002095_n.jpg"}}{{/hket:inline-image}}

甜筒輝稱自己在深水埗的唐樓成長，他是家中獨子，自小與父母和婆婆同住，小時候與鄰居玩鐵甲人已經會想劇本度劇情去玩。他表示自己中五以前都是平凡的學生，直至會考要轉到另一中學時，見到同學們掛住玩，他就發力應付高考，「香港唔係溫讀書，係溫考試，所以當時日日狂操Past Paper，我仲練埋左手寫字，咁樣左右腦會練得好啲。成為考試狂人，最終考到1A2B，不過化學我唔去考，因為我唔鍾意，當時自信爆棚，考少一科都夠分入大學。」雖然讀理科，但他入香港大學時偏偏選了社會學系，「當年啲人都覺得我有啲串，畢業後有三份工都請我，一份係無綫PA，我見工時話想入《勁歌金曲》，因為我直接講我覺得佢個榜係假，所以想入去改良佢，但得4000幾蚊。後來我揀最高人工嘅，喺匯豐做IT，受屋企恩惠咁耐，點都要畀錢屋企。」

甜筒輝稱後來靠低息按揭買入500幾呎的安樂窩，一心打算一輩子在匯豐打工；後來望住主管們，看到十年後的自己，他不希望繼續落去，於是轉行做電影場記，就算無酬都照去當學習。他說：「當時供樓每個月要供9千蚊，我戶口有10萬蚊，我覺得可以闖吓。後來去上海同如花李健仁同房，佢係我恩人，亦師亦友，教我好多做場務嘅事。佢知我個性唔講得笑，後來同徐錦江夾埋整蠱我，話徐錦江係基嘅，夜晚就嚟埋身玩我，我見有把水果刀咪拎住，叫佢唔好亂嚟，我唔受呢一套。」

（↓點擊圖片放大↓）

細龜返大陸頻頻重遇星爺班底 照顧22歲罕見病囝囝無怨無悔【下一頁】

後來甜筒輝有機會去《食神》的劇組做場記，周星馳知他做過銀行，於是要求他演Richard這個角色，將「哈哈哈哈佛大學，雙雙雙雙...碩士」加入劇本，令他的角色在觀眾心目中留下深刻印象。他表示近年獲機會，終於一圓導演夢，拍畢兩套作品，希望在疫情後可以陸續上映。問到對事業的目標，甜筒輝說：「電影希望越做越大，將來我走咗之後，有鄭文輝呢樣嘢留喺度。我希望我重拾當年考高考的精神，追求夢想，我唔富裕啱啱夠使，腳踏實地啲。身邊朋友個個樓換樓，而家都住豪宅，經濟方面我羨慕佢哋，但佢哋都羨慕我人生經歷，最重要係死而無憾。」

甜筒輝2008年結婚，婚後與妻子育有一子一女，他在社交平台不時分享一對子女的家庭照，甜筒輝學之有成，未知能否遺傳一對子女，令他們真的如劇情所言讀到「哈哈哈哈佛大學」呢？

（↓點擊圖片放大↓）

責任編輯：楊安莉