【聲明】港生活網站並無進行電話推廣活動

南豐辦井蓋展 不同代碼睇真D

發佈時間: 2021/04/09

街道上有好多毫不起眼嘅井蓋,原來喺社區上發揮舉足輕重嘅作用。黛安知道,南豐集團之前創立咗以文化藝術等為主軸嘅社區項目「世界之約」,目前喺Nan Fung Place正舉辦以中上環區井蓋及相關歷史為主題嘅《井蓋展》,展期至本月30日。

展覽亦會介紹井蓋嘅幕後功臣,包括香港井蓋鑄造廠同工匠等。黛安睇完展覽先知道,原來井蓋上刻鑄咗唔同代碼,列明政府部門、鑄造廠等資訊,而唔同顏色、形狀、符號都有特定意思,其中50至60年代最盛行以圓圈花紋代表「清水井蓋」,正方形圖案則代表「污水井蓋」,仲有消防街井會以「F↑H」符號表示,真係大開眼界。

撰文: 黛安 消息特靈八卦公關
欄名: 八卦名利場