鍾嘉欣自爆駕車拍劇險撞攝影師

鍾嘉欣前日在其YouTube上載新片，駕車帶網民看加國櫻花，她自爆駕駛技術十分差，指當年拍攝《溏心風暴》時，險些撞到一名攝影師︰「有場戲拍我揸車、停車、落車、跑，我以為自己做到，但當我落車後，我唔記得撳泊車掣，架車繼續走，爭啲就撞到攝影師，我幾驚呀！好彩劇務跑上去開車門踩住煞車，真係好驚險。」

嘉欣17歲在溫哥華考車牌，考試前兩日，爸爸教她泊車，怎料她沒有撳後車檔，更狂踩油令座駕衝前，將前面車輛的車尾撞凹，嚇得她手足無措，嘉欣說︰「自此之後，我發覺車原來係咁容易散，所以就算我有車牌，都無揸過車；直至結咗婚，喺溫哥華無車好唔方便，就大住個肚去考車牌，好彩大肚時個考官好似放過你一馬咁。」不過嘉欣自認是路癡，要靠導航才能周圍去。