被批力谷兒子考5級小提琴入名校 陳倩揚︰囝囝學得好開心

日前，網上有家長群組爆料，批評陳倩揚為催谷兩名兒子入小學名校，要求小提琴老師在短短幾個月內，教識大仔Auryn五級考試曲目，結果大仔考試成功兼做名校插班生。昨晚倩揚回應《晴報》時，強調無做怪獸家長「chur」盡大仔︰「Auryn一年班已經玩興趣班，平時亦好期待上堂！」

37歲的陳倩揚於16年離開無綫，近年成為自由工作者，育有兩子一女的她經常在社交網開live分享生活，為娛樂圈其中一位靚媽KOL，其FB專頁更擁有15萬粉絲。不過，昨日有網民爆料，指她瘋狂催谷大仔Auryn學小提琴，最終囝囝成功考入名校。網民更公開Auryn上課的音樂學校專頁，顯示Auryn上堂僅數月，已在英國皇家音樂學院五級小提琴考試考獲佳績。事件隨即在網上瘋傳，不少港媽議論紛紛，狠批倩揚是怪獸家長，過份催谷兒子。

因材施教唔覺Chur

倩揚昨日回應時，強調身為母親，最明白自己孩子的資質︰「其實點講都會繼續發酵，我認為最重要係因材施教，每個父母都知道自己小朋友嘅能力！」她希望各界不要標籤怪獸家長，始終父母才最明白子女︰「我認為最緊要一家人相處得好，就算自己被人標籤，都唔會有hard feeling！」

提到該音樂學校專頁指Auryn上堂幾個月已考獲小提琴五級資格，倩揚解釋只是一場誤會︰「Auryn一年班已經參加興趣班，玩咗幾年，只係無好穩定咁跟老師學習，轉咗去呢間學校就跟老師上咗幾個月堂，其實佢並非由零開始，幾個月內考到五級！」她自言與音樂學校的老師非常投緣，兩個兒子也愛拉小提琴︰「我見佢哋好有興趣，好期待上堂，二仔每朝起身會主動拉BB版《Star Wars》、《多啦A夢》，大仔都會拉跟老師學嘅曲目！（大仔成功考入名校？）自己咁多年嚟，都保持仔女嘅私人空間，無提過佢哋讀咩學校，所以都唔想講太多。」

撰文︰Steven

美術︰梁政敏