【聲明】港生活網站並無進行電話推廣活動

孭飛新節目撼《口罩小姐》 劉佩玥︰志偉監場無壓力

發佈時間: 2021/04/09

劉佩玥(Moon)、鄧佩儀及朱晨麗昨日為周日播出的直播節目《開心大綜藝》綵排舞蹈環節,無綫副總經理曾志偉突擊現身探班。三位女藝員中只得朱晨麗有舞蹈底子,鄧佩儀說︰「我只可以死記舞步,日練夜練,試過半夜喺屋企練舞太嘈,被樓下敲天花板投訴。」提到《開心大綜藝》首集將對撼ViuTV《最後一屆口罩小姐總決賽》,朱晨麗說︰「我哋各有各賣點,我哋賣點係舞蹈。」Moon亦說︰「我哋今次全直播,希望大家睇到我哋嘅努力,唔需要比較。」

至於志偉突擊監場,Moon輕鬆說︰「無壓力亦唔緊張,嗰刻嘅心態都係ready緊排舞,我反而覺得曾生嘅出現係畀我哋鼓勵同打氣,今次突擊檢查都係好事嚟。」朱晨麗形容曾生的出現猶如考試,提到她已久未有劇集播出,她自言演員身份被動,一切由公司安排。有傳被打入冷宮,決定不再續約?她只說︰「傳啫,根本無呢回事。」

採訪︰Pauline

孭飛新節目撼《口罩小姐》 劉佩玥︰志偉監場無壓力

朱晨麗(左一)笑指曾志偉(右二)監場,感覺猶如考試。