郭可盈93年參選港姐｜林文龍認年輕時個性火爆吃盡苦頭 愛女心切拒提名囡囡參選香港小姐

亞洲心動娛樂（AMM）副總裁林文龍日前與好友謝天華作客音樂節目《限聚音樂Hear To Feel》，暌違15年再度合作的二人，除了同台Jam歌之餘，更摸住酒杯底大談湊女經，及細說演藝路上不為人知的笑與淚。

{{hket:inline-image name="1.jpeg"}}{{/hket:inline-image}}

林文龍和謝天華入行超過三十年，前者透過「超級新星選舉」出道；後者則以唱跳起家，雖然演藝起點不一樣，但都同樣捱過苦。林文龍憶述從訓練班畢業後，當了兩年的跑龍套：「古裝片一定飾演衙差，時裝片就揸住『大哥大』跟黑社會大哥。我試過在《太平天國》同時扮演四個角色，演完清兵、再演舉人和死屍，因為公司計算很精準，臨時演員以日薪計算，訓練班的人拍幾多日都係一樣薪酬，所以我哋好好用。」

謝天華也表示，自己由歌手轉型為演員，曾為了演出機會，演盡大大小小的奸角：「例如姦淫擄掠、打女朋友、變態殺人犯等等，我唔介意，乜嘢角色都做，最重要係演出機會。」他更坦言工作路上曾遇樽頸位，試過九個月零工作，每天無所事事，也因而影響情緒：「當時唔係好想見人，最後我揀咗一個星期六，去到銅鑼灣最多人嘅三角位，行返入人潮當中，慢慢就好番啲，算係自己救番自己。」

{{hket:inline-image name="3.jpeg"}}{{/hket:inline-image}}

林文龍表示年輕時個性剛烈火爆，吃上不少苦頭：「低潮時，人哋會覺得少一個對手，佢就多一個機會，當下我係深深感受到呢句說話。」天華聞言也認同好友率性，更笑指對方是「娛圈奇葩」：「簡單來說，你當時就係得罪人多、稱呼人少，其實你喺呢個圈生存到，真係一個奇蹟。」文龍隨即表示自己經常還神，場面搞笑！

近年不少星二代踏足影視界，問到二人會否支持子女入行，愛女心切的文龍不但即時say no，更搞笑表示拒絕提名女兒林天若（Tania，乳名：津津）參選港姐：「目前為止我覺得我個女應該唔會（入娛樂圈），因為佢個性內斂，喺學校著泳衣上游泳堂，佢都唔係好想，所以佢見到人哋參加《香港小姐》，都會擰晒頭。（如果佢話媽媽都係港姐出身，然後識到你呢？）我會同佢講，唔係個個都咁好彩㗎，哈哈哈。」

（↓點擊圖片放大睇↓）

而天華則表示會放手讓囝囝嘗試入行，不過談到若然女兒擁有港姐夢，他即爆笑秒回：「我唔會做佢提名人㗎！不過如果佢想拍戲，我諗都會畀佢試下。」同時表示兩公婆在育兒上有共識，相當重視與子女的溝通，所以一家人無所不談。

{{hket:inline-image name="6660f318gy1g85w51nogmj20rz1127ce.jpg"}}{{/hket:inline-image}}

{{hket:inline-image name="6660f318gy1fvv6r5c1jcj20qo0zijwm.jpg"}}{{/hket:inline-image}}

【告別洲際】林文龍郭可盈重遊16年前結婚舊地 相愛25載同心跨越無數風波 【下一頁】