大方認37歲│鍾嘉欣生日開直播慶生仔女亂入 爆子女煲《愛回家》學廣東話

鍾嘉欣完成《星空下的仁醫》（前名：《兒科醫生》）拍攝工作後，火速返回加拿大陪伴老公和一對子女。昨日（９日）是鍾嘉欣37歲的生日，雖然她身在加拿大，未能跟香港的粉絲慶祝，但她非常有心，跟粉絲開IG直播，更「出賣」自己的屋企和居家素顏造型，實在是非常「貼地」的偶像。

鍾嘉欣自爆曾油門當腳掣撞前車 駕駛技術麻麻 拍劇險撞攝影師 「車原來咁容易就凹晒」【下一頁】

{{hket:inline-image name="120749096_166092865122091_7030432287239884725_n.jpg"}}{{/hket:inline-image}}

{{hket:inline-image name="169500691_142836954437471_8183393293690110016_n.jpg"}}{{/hket:inline-image}}

{{hket:inline-image name="171498476_904043540420719_1663210373629512547_n.jpg"}}{{/hket:inline-image}}

嘉欣表示雖然香港時間是9號，不過加拿大仍未到9號，先接受大家的祝福，她透露近況時說：「而家做全職媽媽，呢個亦係我最鍾意嘅終生職業，仔女開始大，希望可以開始培育一對仔女嘅才能。囡囡Kelly好藝術家，佢好識感受別人內心世界，好細心敏銳，做事又好有創意。囝囝Jared諗嘢好簡單，而且清晰唔複雜化，所以做領導會好。」提到近日囝囝的長髮造型備受讚賞，嘉欣笑言：「係呀，人哋話佢係『華DEE』x『陳浩南』，我都覺得嘅，所以我幫佢改咗個花名叫梁浩南。」

嘉欣自爆由於想一對仔女有更多機會學廣東話，於是用心搵無綫劇集畀佢哋睇，她說：「好多劇集都有打打殺殺、鬧交等等，咁我又唔想，於是呢我搵咗《愛回家之開心速遞》，又唔錯喎！雖然都有少少鬧交，但始終都係宣揚愛。我覺得我演嘅《搜神傳》都唔錯，不過搵唔到邊度睇。《愛回家》入面，我好鍾意金城安（周嘉洛飾）同朱凌凌（吳偉豪飾），我覺得佢兩個好可愛，好後生演得好放、好自然，希望將來佢哋有更多作品去演出啦！」

（↓點擊圖片放大↓）

鍾嘉欣仔女Copy&Paste爸爸 超似合成照網民以為係龍鳳胎【下一頁】

嘉欣隨後邀請不少粉絲進入直播聊天，她搞笑要扮「金城安」的愛心手勢，認真入戲！她感性說：「我37歲喇！多謝你哋陪我過咗17年生日，呢個係好寶貴嘅關係，我會好好珍惜。」直播期間，嘉欣拒絕唱歌，原因是自己太大聲會驚動在樓下玩耍中的一對仔女。沒想到一對仔女突然亂入，先是Kelly在後方對鏡頭揮手，後來Jared直接衝到媽咪身邊要媽咪攬一攬，又玩「廚飯仔」向嘉欣提供飲品。雖然是玩具，但嘉欣都假裝飲用，氹得Jared瘋狂傻笑。由於嘉欣不太想一對仔女入鏡，最終由爸爸將一對仔女捉走落樓，場面非常失控又搞笑。

（↓點擊圖片放大↓）

責任編輯：楊安莉