李美慧曬可愛囡囡過幸福少奶生活 成熟韻味暴增曾文豪愛老婆素顏

現年34歲嘅李美慧2006年參選香港小姐加入娛樂圈，都做過唔少大配角，正當佢喺《宮心計2深宮計》飾演宮女，戲份開始重嘅時候，2018年突然宣布同大佢25年嘅富商曾文豪拉埋天窗，二人拍拖僅半年即註冊結婚，當年已經被指已懷孕4個月。同年10月李美慧誕下女兒Penelope（小糖心）。

{{hket:inline-image name="9ed613665d42a47031bdf39c1774388c.jpg"}}{{/hket:inline-image}}

李美慧自嫁人之後就冇再喺幕前出現，不過都會不時更新佢嘅社交平台，同大家分享佢嘅少奶奶生活。見佢大部分時間都係湊B，又不時一家三口家庭樂，疫情前仲不時同老公出國玩，似乎好幸福咁！李美慧早前分享佢自己生日Party以及同囡囡享受農家樂嘅相片，眨吓眼已經兩歲幾嘅小糖心越大越靚，好有媽媽影子；而生日Party就非常簡樸，李美慧亦只係薄施脂粉，非常貼地。

{{hket:inline-image name="33079899_10157431958569167_8986288411891466240_n.jpg"}}{{/hket:inline-image}}

李美慧曾經講過佢就係靠佢嘅「平實」俘虜老公曾文豪嘅心。曾文豪婚前已經安排司機、貼身工人跟到實，還不時揸飛機、開遊艇帶她周圍去。美慧指如果你一心想嫁有錢人，有錢人見到你都驚，好快知道對方目的。而佢同老公認識，第一次見面連傾偈機會都冇，根本唔知對方身份；隔咗一個月返香港，朋友約行山再見面先開始有聯絡，後來聽講男方想搵個伴。

{{hket:inline-image name="165283487_2249998821797347_1396595383523472478_n.jpg"}}{{/hket:inline-image}}

李美慧開始時對曾文豪嘅追求都有疑慮，因為佢想以結婚為大前提交往，曾文豪亦直言自己係想搵結婚對象，二人一拍即合，計劃結婚後已經不設防，好快小糖心就降臨佢哋身邊。

（↓點擊圖片放大↓）

曾文豪會陪李美慧做義工照顧流浪貓狗，佢欣賞李美慧做嘅事，覺得佢係用心而唔係用錢衡量佢，所以亦用心對待李美慧。李美慧形容覺得自己是醜小鴨，老公將佢變成天鵝。曾文豪喜歡李美慧真實自然，平時唔愛化妝，佢最怕女人化濃妝，同李美慧一齊感覺好舒服。

曾文豪嘅三個女同前妻都對美慧非常友善，去不丹影婚紗照時，曾文豪兩個女陪佢哋一齊去，擺結婚酒時都結伴到場。李美慧指可能大家感受到佢係一個乜嘢人。老公好重視三個女，對前妻都好好，關係係家人，就算做唔成夫妻，都希望對方生活愉快。