日日媽媽聲│袁詠儀費盡心思求B失敗感遺憾 張慧儀眠乾睡濕湊心疾養子勁催淚

無綫綜藝節目大改革，昨晚新節目《日日媽媽聲》首播，由「20、40、60」3代星級媽媽陳凱琳、羅敏莊和余安安做主持，分享兒女經，大談為人母的苦與樂。首集請來袁詠儀（靚靚）和張慧儀任頭炮嘉賓，靚靚和老公張智霖今年結婚20周年，兒子張慕童（魔童）已經14歲。節目中，靚靚回想當年為生小朋友做足準備，戒煙後的3個月開始造人，最後成功懷上魔童。

{{hket:inline-image name="01.jpg"}}{{/hket:inline-image}}

袁詠儀任《日日媽媽聲》節目頭炮嘉賓，分享「造人」辛醜史。（圖片︰電視截圖）

{{hket:inline-image name="32.jpg"}}{{/hket:inline-image}}

星級媽媽張慧儀，分享因養子Hanson有心臟問題，與病魔奮戰的催淚經歷。（圖片︰電視截圖）

袁詠儀沉迷抖音學玩頸巾魔術 半桶水險令助手窒息「搞出人命」【下一頁】

靚靚直言有段時期努力想生第二胎，為魔童添一個弟弟或妹妹，她說：「因為自己有個哥哥同妹妹，我哋3兄妹有乜嘢問題都可以一齊處理，我唔想阿仔以後得佢自己一個處理，想佢情緒或者心理上可以多個人同佢解決。」不過，為求添丁，靚靚坦言一切方法都試盡，計體溫、計日子、計姿勢等等。講到姿勢，主持陳凱琳最有興趣，靚靚笑言：「過程中嘅姿勢就唔係好記得，但之後嘅姿勢係要個人倒置……」余安安幫口解讀，「係想精子喺裡面可以逗留耐一啲，機會就大啲。」安安的經驗之談，則是心情放鬆懷孕機會更大。

靚靚續說：「斷斷續續去試，試咗幾年，同老公計埋時間都係唔成功，再試埋人工受孕都係唔得，我諗年紀大確實有影響，對我嚟講係一個遺憾，放棄咗就冇再諗。」回想最辛苦是人工受孕過程，「打針痛係預咗，我係覺得放咗入去等候結果先係最辛苦，唔係因為醫生sorry嗰一句而唔開心，係等待嘅過程冇嘢可以做。到聽到結果後，感覺係好唔舒服，所以我唔再想畀自己有呢個情緒，試埋嗰次就夠喇！」對未能如願，靚靚已經放開，「有長輩同我講，仔女係嚟攞債，證明你冇再欠人債，我用呢個心態嚟氹下自己囉！」她明白香港女生太叻，很多人都不想將黃金時間用來生小朋友，但她以過來人勸大家「有仔趁嫩生」。

（↓點擊圖片放大↓）

另一星級媽媽張慧儀，2003年是她人生低谷，在一次做義工時遇見養子張晃維（Hanson），她生命出現一位小天使；當時聽到他喊她一聲媽媽，便決定收養他，從此生命中多了一個兒子。慧儀稱因為Hanson自細心臟出問題，醫生曾言他不長命，現在已經快18歲了，慧儀陪伴Hanson多次出入鬼門關。Hanson先後接受2次心臟手術，慧儀稱︰「第一次手術係領養之前做，手術後昏迷咗8、９個星期，醒番出現後遺症，令佢講說話能力同平衡力變差。到2018年再做手術，嗰次都唔太理想，手術後深層瞓咗3日，佢醒番時唔認得我，身體機能都差，要穿尿片同講唔到嘢……」慧儀說那時候難過到失眠，幸好天上憐憫她讓兩母子跨過難關︰「我對住天花板講，只要佢好番，我乜嘢都願意，以後都唔再鬧佢，所以而家見到佢咁已經好滿足。」而主持羅敏莊、陳凱琳及現場觀眾聽到慧儀和養子的經歷和無私付出，都被感動得眼濕濕。

Hanson亦有現身節目中，感謝媽媽慧儀的無限關愛，Hanson說：「媽咪好鍾意食嘢，佢又怕肥，好多時佢會睇片，睇咗當食咗！媽咪話頭髮好重要，佢好驚有白頭髮，所以，我希望媽咪佢點食都唔肥，同永遠冇白頭髮。」Hanson窩心補充，「媽、Mum、媽咪，我愛你。」還送上心心手勢，畫面非常溫馨催淚。

（↓點擊圖片放大↓）

撰文：衛紫敏

結婚18年︳顧紀筠孖富豪老公離島拍拖郊遊 陳仕煒就地取材冧老婆 浪漫爆燈 【下一頁】