日日媽媽聲︳鄧兆尊享齊人之福成師奶公敵 情願不舉拒結婚 遭凍水淋頭

無綫新節目《日日媽媽聲》由余安安、羅敏莊和陳凱琳三位星級媽媽做主持，首集出動影后級人馬袁詠儀分享「造人」經歷，亦請來「一王三后」的鄧兆尊現身節目。三位主持連同靚靚及現場媽媽級觀眾，透過「快問快答」環節，乘機公審兆尊，只要兆尊講的答案「唔啱聽」，羅敏莊就使出鉸剪，將頭上用連著水桶的繩索剪斷，給兆尊「大懲罰」。

{{hket:inline-image name="17.jpg"}}{{/hket:inline-image}}

要學鄧兆尊享齊人之福，時間管理最重要。（圖片：電視截圖）

{{hket:inline-image name="18.jpg"}}{{/hket:inline-image}}

鄧兆尊擁有3位知己情人。（圖片：電視截圖）

【齊人之福】鄧兆尊為「阿三」甘願當繼父 女友爆Quota堅稱不會有「阿四」【下一頁】

兆尊出場介紹自己時說：「我對感情有自己一套睇法，你哋唔明唔緊要，我只知道我係一隻冇腳嘅雀仔。」余安安等主持，加上嘉賓靚靚，先為兆尊熱身，問他當初如何令「大婆」接受他又第二個，兆尊竟然表示自己是被動者：「係佢（大婆）離開先，跟住嗰個係我中計，係事實嚟，似足粵語場片橋段。我飲醉咗，第二朝瞓醒…點解咁嘅？唔記得銷門？」

到第三個，兆尊笑言：「佢話係上天派落嚟嘅！」至於不婚，兆尊說因香港一夫一妻所以不能結婚，生小朋友更大鑊：「一個生，幾個都要生，生咁多好煩呀。」雖然三位紅顏知己會爭寵，但她們亦好團結，兆尊形容自己似《西遊記》入面唐憎，三個女人似徒弟，「佢哋會聯手擋晒啲妖魔鬼怪。」而三人從不分大小，財產分配方面，兆尊自稱財產有限，早已和她們有共識，將來互相照應。

（↓點擊圖片放大↓）

之後來到戲肉「快問快答」環節，要兆尊選擇「過億身家」還是「齊人之福」，他選了齊人之福，因為他表示自己沒有過億身家，即被羅敏莊笑他「你冇過億身家又點會享到齊人之福」。在「孤獨死」和「虛耗死」之中，他選了孤獨死，因為已虛耗盡。現場一班媽媽觀眾「唔收貨」，齊齊嗌「剪佢」，令其中幾條連著水桶的繩索被剪斷，兆尊頭上已微濕，隨後被問到「結婚」和「不舉」的選擇時，兆尊情願男人最痛揀「不舉」：「結婚得罪好多人，但不舉都係得罪自己啫！」這個解釋大家反而收貨。

最後一題女友的「樣貌」與「身材」，兆尊選擇身材，大家立即「剪聲四起」，難逃一桶凍水照頭淋滋味。兆尊狼狽不堪，髮型都塌下來，雖然被媽媽們整蠱兼摧殘，仍然保持男士風度沒有嬲嬲豬，更說：「如果要講感受，男士係要善待女性，對女性好啲，有番點責任感，世界會開心好多。」即贏得一眾女主持的掌聲。事後，令不少網民說兆尊懂得尊重女性，反而是節目這樣對待嘉賓有欠尊重。

（↓點擊圖片放大↓）

另外，節目中亦請來人父游茛維（一蚊Joe）現身，重提他2017年直播太太入產房生B遭網民公審一事。Joe在節目中求饒，表示當時和太太只想紀錄生B重要時刻，並非如大家所說「博出位」，承認事件想得太簡單，是有疏忽：「我而家承認當時醫生同醫院係唔知我做直播，所以藉今次機會，衷心同大家講『對唔住』。」而現場觀眾和主持一致反對直播生B ，所以，最後Joe要接受大懲罰，一嚐分娩陣痛體驗機，見到Joe痛到臉容扭曲相當痛苦。

（↓點擊圖片放大↓）

撰文：衛紫敏

陳庭欣與10億身家男友好事近？ 傳九肚山築愛巢今年年尾做楊太 【下一頁】