被爆背妻與舊愛放狗 黃德斌︰今次唔只跪玻璃

黃德斌於18年與圈外女友Joyce Wong結婚，婚後兩公婆十分低調，鮮有負面新聞傳出。惟昨日德斌被爆多次背着Joyce與一名女子密會放狗，而「密會」被斷正的女子更是其舊愛江玉儀（Ivy），Ivy曾在多部電影擔任監製和導演，入行已經超過20年，現時是德斌的經理人之一。

德斌昨晚現身ViuTV的《最後一屆口罩小姐選舉總決賽》，對於被指背妻與舊愛放狗，他笑笑口表示︰「傳緋聞好搞笑，大家笑吓就算！Ivy係自從我離開無綫之後，17年開始做我經理人，大家識咗廿幾年，不嬲關係都好好嘅，分開咗咁多年都無乜所謂，我老婆知道佢做我經理人，但無見過Ivy。」德斌又指太太不介意他跟舊愛傳緋聞，但對記者追訪感到突然，他說︰「好對唔住我老婆，大家唔好搞佢，總之有咩事直接嚟搞我。」他又笑言︰「今次唔只跪玻璃，要頂痰罐，或者之後三個人一齊放狗囉！」

攝影︰林良明