諸朋好友｜46歲張玉珊衝事業至今仍單身 蘇永康主動做媒撮合姻緣嗌尷尬

由崔建邦及張秀文主持的新一輯《諸朋好友》，上星期六晚播出的一集請來張玉珊（Shirley）和蘇永康（阿公）這對好友做嘉賓。阿公在節目中接連爆料，稱在剛過去的飯局為Shirley做媒人公介紹男友，又爆她不單止擁有全海景靚屋，更購入走廊對出單位作衣帽間，令張秀文大感羨慕。

{{hket:inline-image name="shirley_msc_118472304_892375607956512_888017645757242582_n.jpg"}}{{/hket:inline-image}}

{{hket:inline-image name="screenshot04121041.jpg"}}{{/hket:inline-image}}

45歲張玉珊開IG分享扮靚心得 20年前退娛圈做女強人無意復出【下一頁】

現年46歲張玉珊表示屋企是個傳統的潮州人家庭，媽媽對她很嚴格，一件事都不可以做錯，於是從小訓練得自己很獨立，每件事想得很周全，基本上每日花很多時間去檢討自己有甚麼會做漏。

當崔建邦追問對愛情是否也是一樣態度時，阿公在旁即插口說：「成日覺得一樣嘢，做佢嘅朋友，真係唔好皇帝唔急太監急。好似三個禮拜之前飯局，請咗一位真係香港…受尊重，業內的精英，就擺喺佢隔離食飯，佢就飲咗少少酒，講嘢就多咗啲，佢直情話唔好搞到啲氣氛咁尷尬；但嗰位先生就好有修養咁喺度食嘢，食到咁上下就起身走先。我覺得呢位先生都好好，我行埋同佢講送佢出去，唔好意思今晚搞到你有少少（尷尬），佢就話唔使唔使就自己走先。一走佢就話唔好咁啦，我哋自己會聯絡嘛。但係真正嘅佢對感情事嘅睇法，我諗我太太就清楚過我，因為佢哋女人有Girl's Talk。」張玉珊完全答不上，只是叫阿公不要說太多。

之後講到愛美的睇法，阿公又有料爆，他說：「不如講一講佢嘅衣帽間，佢自己住一個地方，有時會請朋友返去食飯，全海景，好靚。『Shirley，你啲衫擺喺邊？』，你過嚟，開門走廊過對面有一個Flat（單位），成個Flat都擺滿晒衫，呢行白色咩牌子，鞋點擺好，分類晒。（將另一個單位變成擺衫嘅倉？）對，我有拍低咗。」張玉珊亦直認自己是誇張，會很有系統將所有東西擺得很整齊，可以3分鐘就找到所需要的東西。

【仙氣不減】張玉珊45歲生日姊妹齊慶祝 曾幫欣宜年減百磅締造最瘦巔峰【下一頁】

張玉珊之後亦反撃爆阿公的瘀事，指有次為慈善活動合唱，阿公竟然在卅幾度的天氣下穿了一件有毛的衛衣到場，結果熱到塊臉又白又青，口齒不清，一度回車上休息。可是頭暈暈上台演出時卻走音，沒有想過有機會替對方執生。

（↓點擊圖片放大↓）

張玉珊早年曾參與不少無綫劇集及電影，25歲時轉戰商界，成功創立纖體公司，並於2003年在香港上市，曾成為最年輕的上市公司主席。感情方面，她跟電影公司老闆向華勝拍拖多年，可惜最終分手收場。

撰文：梁榮達

亞姐韓君婷欠債6位數申請破產 3年前母親病逝至今仍傷心難捨【下一頁】